തിരുവനന്തപുരം: പതിമൂന്നുകാരനെ ലൈംഗികമായി ഉപദ്രവിച്ച കേസില്‍ യുവാവ് അറസ്റ്റിൽ. വെട്ടൂര്‍ സ്വദേശി അഭിലാഷിനെയാണ് പൊലീസ് അറസ്റ്റ് ചെയ്തത്. വര്‍ക്കല പൊലീസ് ആണ് യുവാവിനെ അറസ്റ്റു ചെയ്തത്.
Read Also : ആഗോള പ്രശ്നങ്ങളിൽ മോദിയുടെ നിലപാടറിയാൻ ബൈഡൻ ഉറ്റുനോക്കാറുണ്ട്: തുറന്നു പറഞ്ഞ് ജോനാഥൻ ഫൈനർ
ഈ മാസം 19-ന് രാവിലെ 10.30 ഓടെയാണ് കേസിനാസ്പദമായ സംഭവം നടന്നത്. കടയില്‍ നിന്ന് സാധനങ്ങള്‍ വാങ്ങി വരവെ ഇടവഴിയില്‍ സൈക്കിള്‍ തടഞ്ഞു നിര്‍ത്തിയാണ് ഇയാള്‍ കുട്ടിയെ ലൈംഗികമായി ഉപദ്രവിച്ചത്. ഭയന്ന് നിലവിളിച്ച കുട്ടിയെ ബഹളമുണ്ടാക്കിയാല്‍ കൊന്നുകളയുമെന്ന് ഭീഷണിപ്പെടുത്തിയാണ് ലൈംഗിക ഉപദ്രവം തുടര്‍ന്നത്. തിരികെ വീട്ടിലെത്തിയ കുട്ടി മാതാപിതാക്കളോട് ഇക്കാര്യം വെളിപ്പെടുത്തി. തുടർന്ന്, മാതാപിതാക്കൾ പൊലീസിൽ പരാതി നൽകുകയായിരുന്നു. മരം മുറിപ്പ് ജോലിക്കാരനായ അഭിലാഷ് വിദ്യാര്‍ത്ഥിക്ക് 8 വയസ്സ് പ്രായം ഉള്ളപ്പോഴും ഇതുപോലെ ഉപദ്രവിച്ചിരുന്നതായി കുട്ടി മൊഴി പൊലീസിൽ നല്‍കി.
മാതാപിതാക്കള്‍ നല്‍കിയ പരാതിയില്‍, പോക്സോ വകുപ്പുകള്‍ ചേര്‍ത്താണ് പൊലീസ് കേസ് രജിസ്റ്റര്‍ ചെയ്തത്. അറസ്റ്റിലായ പ്രതിയെ കോടതിയില്‍ ഹാജരാക്കി 14 ദിവസത്തേക്ക് റിമാന്‍ഡ് ചെയ്തു.
Post Your Comments