പാലക്കാട്: വാളയാറിൽ നിർത്തിയിട്ട ലോറി പുറകോട്ട് ഉരുണ്ട് നീങ്ങി റോഡിന്‍റെ മറുവശം കടന്ന് ഇടിച്ചു നിന്നു. വാളയാർ ആർ ടി ഒ ഔട്ട് ചെക്ക് പോസ്റ്റിന് സമീപമാണ് സംഭവം നടന്നത്.
കോയമ്പത്തൂർ ഭാഗത്തേക്ക് പോകുന്നതിനായി നിർത്തിയിട്ട ലോറി പുറകോട്ട് ഉരുണ്ട് എതിർവശത്തെ ട്രാക്കിലേക്ക് കടന്ന് ഇടിച്ചു നിൽക്കുകയായിരുന്നു. അതേസമയം, ഈ സമയത്ത് മറ്റ് വാഹനങ്ങൾ റോഡിലൂടെ കടന്ന് പോകാത്തതിനാൽ വൻ അപകടം ആണ് ഒഴിവായത്.
ലോറി പുറകോട്ട് ഉരുണ്ടുമാറിയപ്പോള്‍ പുറകില്‍ നിന്നും ഒരു കാര്‍ വന്നെങ്കിലും അപകടമുണ്ടാകാതെ രക്ഷപ്പെടുകയായിരുന്നു. ഗിയർ മാറി വീണതാണ് ലോറി പുറകോട്ട് പോകാൻ കാരണമെന്ന് പൊലീസ് വ്യക്തമാക്കി.
Post Your Comments