ദിവസവും ​ഗ്രീൻ ടീ കുടിക്കുന്നവരാണോ? അറിഞ്ഞിരിക്കേണ്ട ഒരു കാര്യമിതാണ്

ശരീരഭാരം കുറയ്ക്കാനായി ഡയറ്റ് നോക്കുന്നവർ വിവിധ പാനീയങ്ങൾ പരീക്ഷിക്കാറുണ്ട്. ആൻറി ഓക്സിഡൻറുകളുടെ സമ്പന്നമായ ഉറവിടം ഉൾപ്പെടെയുള്ള മറ്റ് പല ആരോഗ്യ ഗുണങ്ങൾക്കും പേരുകേട്ട ഗ്രീൻ ടീ കുടിക്കുന്നത് ശരീരഭാരം കുറയ്ക്കാനുള്ള മികച്ച പാനീയങ്ങളിലൊന്നാണ്. എന്നാൽ അധിക കിലോ കുറയ്ക്കാൻ ​ഗ്രീൻ ടീ ശരിക്കും സഹായിക്കുമോ?

ശരീരത്തിലെ മെറ്റബോളിസം വർധിപ്പിക്കുക എന്നതാണ് ഗ്രീൻ ടീ ശരീരഭാരം കുറയ്ക്കാൻ സഹായിക്കുന്ന ഒരു മാർഗം. ശരീരത്തിലെ ഊർജ്ജം പുറത്തുവിടാനും കൂടുതൽ കാര്യക്ഷമമായി ഉപയോഗിക്കാനും ഇത് സഹായിക്കുന്നു എന്നാണ് ഇതിനർത്ഥം. ഗ്രീൻ ടീയിൽ അടങ്ങിയിരിക്കുന്ന രണ്ട് സജീവ ഘടകങ്ങൾ – കഫീൻ, കാറ്റെച്ചിൻ – ഈ ഫലത്തിന് കാരണമാകുന്നു. കൊഴുപ്പ് സമാഹരിക്കാനും അധിക കൊഴുപ്പിന്റെ തകർച്ചയ്ക്കും അവ സഹായിക്കുമെന്ന് പഠനങ്ങൾ പറയുന്നു.

വയറിന്റെ കൊഴുപ്പ് കുറയ്ക്കാൻ ഗ്രീൻ ടീ സഹായിക്കും.

ഗ്രീൻ ടീയിൽ പോളിഫെനോൾ, കഫീൻ, ധാതുക്കൾ എന്നിവ അടങ്ങിയിട്ടുണ്ട്. അവ ആന്റിഓക്‌സിഡന്റുകളായി പ്രവർത്തിക്കുകയും ഓക്സിഡേറ്റീവ് സ്ട്രെസ് തടയുന്നത് പല വിട്ടുമാറാത്ത വൈകല്യങ്ങളെയും അകറ്റി നിർത്തുന്നു. എന്നാൽ, ഗ്രീൻ ടീ അമിതമായി കഴിക്കുന്നത് പ്രതികൂല ഫലങ്ങൾ ഉണ്ടാക്കുമെന്ന് ഓർമ്മിക്കുക.

ഗ്രീൻ ടീയുടെ ആരോഗ്യ ഗുണങ്ങൾ കാരണം നിങ്ങൾ ഉൾപ്പെടുത്താൻ ആഗ്രഹിക്കുന്നുവെങ്കിൽ  പ്രതിദിനം ഒന്നോ രണ്ടോ കപ്പ് മതിയാകും. ഭക്ഷണം കഴിച്ച ശേഷം ഉടനെ ​ഗ്രീൻ ടീ കുടിക്കുന്നത് ഭക്ഷണത്തിൽ നിന്ന് ചില പോഷകങ്ങൾ ആഗിരണം ചെയ്യുന്നതിനെ തടഞ്ഞേക്കാം.