കൊച്ചി: കോതമംഗലത്ത് സർക്കാർ സ്കൂളിൽ നിന്ന് എൽ പി സ്കൂൾ വിദ്യാർത്ഥിനിയെ തട്ടിക്കൊണ്ടു പോയി. ചെറുവട്ടൂർ ഗവൺമെൻറ് എൽ പി സ്കൂളിൽ നിന്ന് കുട്ടിയെ കടത്തിക്കൊണ്ടു പോയതായാണ് പരാതി. സ്കൂളിന് അകത്തു കയറിയാണ് കുട്ടിയെ തട്ടിക്കൊണ്ടുപോയത്. തിങ്കളാഴ്ച മൂന്ന് മണിയോടുകൂടിയാണ് കുട്ടിയെ സ്കൂളിൽ നിന്നും തട്ടിക്കൊണ്ട് പോയത്.
കാറിൽ രക്ഷപ്പെട്ട ഇവരെ നാട്ടുകാർ പിടികൂടാൻ ശ്രമിച്ചെങ്കിലും ശ്രമം വിഫലമായി. തുടർന്ന് പോലീസിൽ വിവരമറിയിക്കുകയും പോലീസ് സ്ഥലത്തെത്തി മേൽ നടപടികൾ സ്വീകരിക്കുകയും ചെയ്യുകയായിരുന്നു. അതേസമയം, കുട്ടിയുടെ മാതാവിന്റെ കുടുംബക്കാർ തട്ടിക്കൊണ്ടു പോയതാണെന്നാണ് സംശയിക്കുന്നത്.
കുട്ടിയുടെ പിതാവും മാതാവും വിവാഹ ബന്ധം വേർപെടുത്തിയവരാണ്. കുട്ടി പിതാവിനൊപ്പമാണ് താമസിച്ചു വന്നിരുന്നത്. ഇതിന് മുൻപും കുട്ടിയെ സ്കൂളിൽനിന്ന് കടത്തിക്കൊണ്ടു പോകാൻ മാതാവിൻറെ വീട്ടുകാർ ശ്രമിച്ചിരുന്നു. ഇതാണ് അവർ തട്ടിക്കൊണ്ടു പോയിരിക്കും എന്ന സംശയം ഉണ്ടാക്കുന്നത്.
Post Your Comments