ഡൽഹി: റഷ്യ-ഉക്രൈൻ യുദ്ധം തുടരുന്നതിനിടെ ഉഭയകക്ഷി ചർച്ചകൾക്കായി വിദേശകാര്യ മന്ത്രി എസ് ജയശങ്കർ നവംബർ 7 മുതൽ രണ്ട് ദിവസത്തെ റഷ്യ സന്ദർശനം നടത്തും. റഷ്യൻ വിദേശകാര്യമന്ത്രി സെർജി ലാവ്‌റോവുമായി നടത്തുന്ന കൂടിക്കാഴ്ചയിൽ ഉഭയകക്ഷി വിഷയങ്ങളെക്കുറിച്ച് ചർച്ച ചെയ്യുകയും പ്രാദേശികവും അന്തർദ്ദേശീയവുമായ സംഭവവികാസങ്ങളെക്കുറിച്ചുമുള്ള കാഴ്ചപ്പാടുകൾ കൈമാറുകയും ചെയ്യും.
റഷ്യ-ഉക്രൈൻ സംഘർഷം ആരംഭിച്ചതിന് ശേഷം എസ് ജയശങ്കർ നടത്തുന്ന ആദ്യ റഷ്യ സന്ദർശനമാണിത്. ഉക്രൈൻ സംഘർഷത്തിൽ ഇന്ത്യയുടെ നിലപാട് എല്ലായ്‌പ്പോഴും വ്യക്തമാണെന്ന് വിദേശകാര്യ മന്ത്രാലയ വക്താവ് അരിന്ദം ബാഗ്ചി പറഞ്ഞു.
വ്യാപാരം, സാമ്പത്തികം, ശാസ്ത്രം, സാങ്കേതികം, സാംസ്കാരിക സഹകരണം എന്നിവയ്ക്കുള്ള ഇന്ത്യ-റഷ്യ ഇന്റർ ഗവൺമെന്റൽ കമ്മീഷന്റെ സഹമന്ത്രിയും റഷ്യയുടെ ഉപപ്രധാനമന്ത്രിയും വ്യാപാര വ്യവസായ മന്ത്രിയുമായ ഡെനിസ് മാന്റുറോവുമായും ജയശങ്കർ കൂടിക്കാഴ്ച നടത്തും.
Post Your Comments