കോഴിക്കോട്: കുറ്റിക്കാട്ടൂരിൽ 15 വയസ്സുകാരിയെ പീഡിപ്പിച്ചുവെന്ന പരാതിയിൽ യുവാവിനെ തട്ടിക്കൊണ്ടുപോയി മർദിച്ചു. പെൺകുട്ടിയുടെ ബന്ധുക്കൾ ആണ് യുവാവിനെ മർദിച്ചത്. സംഭവത്തിൽ 5 പേരെ പോലീസ് കസ്റ്റഡിയിലെടുത്തു. നല്ലളം സ്വദേശി നിഖിൽ, നൈനാഫ്, വട്ടോളി സ്വദേശികളായ മുഹമ്മദ് അനസ് , മുഹമ്മദ് ഷാമിൽ പുതിയപാലം സ്വദേശി ഷംസീർ എന്നിവരെയാണ് പോലീസ് കസ്റ്റഡിയിലെടുത്തത്. പെൺകുട്ടിയുടെ പരാതിയിൽ യുവാവിനെതിരെയും പോക്‌സോ ചുമത്തി കേസെടുത്തു.
ഇന്നലെ അർധരാത്രിയോടെയാണ് കുറ്റിക്കാട്ടൂരിലെ വീട്ടിൽ നിന്നും യുവാവിനെ അഞ്ചഗസംഘം തട്ടിക്കൊണ്ടുപോയത്. വീട്ടിലെത്തി യുവാവിനെ വലിച്ചിറക്കി വാഹനത്തിൽ കയറ്റുകയായിരുന്നു. സംഭവം ശ്രദ്ധയിൽപ്പെട്ട നാട്ടുകാർ മെഡിക്കൽ കോളജ് പോലീസിൽ വിവരം അറിയിച്ചു. തുടർന്ന് പോലീസ് ഇവരെ പിന്തുടർന്നു. 20 കിലോമീറ്റർ അകലെ മലമുകളിൽ നിന്നും യുവാവിനെ കണ്ടെത്തി.
പിന്നാലെ നടത്തിയ അന്വേഷണത്തിൽ പെൺകുട്ടിയുടെ ബന്ധുക്കളായ അഞ്ച് പേരെ പോലീസ് പിടികൂടുകയായിരുന്നു.
Post Your Comments