കോഴിക്കോട് കുറുനരിയുടെ കടിയേറ്റ് രണ്ട് പേർക്ക് പരിക്ക്

പേരാമ്പ്ര: ചങ്ങരോത്ത് പഞ്ചായത്തിലെ കല്ലൂർ ഭാഗത്ത് കുറുക്കന്റെ കടിയേറ്റ് 2 പേർക്ക് പരുക്ക്. സാരമായി പരുക്കേറ്റ കാഞ്ഞിരക്കടവത്ത് നിധീഷ് (34), വടക്കേ വട്ടുക്കുനി സാബിത്ത് (22) എന്നിവരെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു.

രാവിലെ വീട്ടു വരാന്തയിൽ ഇരിക്കുകയായിരുന്ന നിധീഷിന്റെ മുഖത്താണു കടിയേറ്റത്. വീട്ടിൽ വച്ചു തന്നെയാണ് സാബിത്തിനെയും കുറുനരിയെ കടിച്ചത്.

സാബിത്തിന്റെ കൈവിരൽ കടിച്ചുമുറിച്ചു, കാൽ മുട്ടിനു താഴെയും, തുട എല്ലിനും സാരമായി പരുക്കേറ്റിട്ടുണ്ട്. കുറുനരിയെ നാട്ടുകാർ തല്ലിക്കൊന്നു.