തൃശ്ശൂർ: തൃശ്ശൂരിലെ മാളയിൽ കഞ്ചാവ് കടത്തിയ കാർ സ്കൂട്ട‍റിൽ ഇടിച്ച് സ്കൂട്ടർ യാത്രികന് പരിക്കേറ്റു. മാള സ്വദേശി കളപ്പുരയ്ക്കൽ രഞ്ജിത്തിനാണ് പരിക്കേറ്റത്. കാർ യാത്രക്കാരനെ നാട്ടുകാർ പിടികൂടി. ഇയാളെ എക്സൈസ് കസ്റ്റഡിയിലെടുത്തു.
ഇതിനിടെ കയ്യിലുണ്ടായിരുന്ന കഞ്ചാവ് ഇയാൾ സമീപത്തെ പറമ്പിലേക്ക് വലിച്ചെറിയുകയായിരുന്നു. എക്സൈസ് ഉദ്യോഗസ്ഥരെത്തി ഇവ കണ്ടെടുത്തു. അപകടത്തിന്റെ സി.സി.ടി.വി ദൃശ്യങ്ങൾ പുറത്തു വന്നിട്ടുണ്ട്.
കോട്ടയം നഗരത്തിലും എം.ഡി.എം.എയുമായി യുവാവ് പിടിയിലായി. വടവാതൂർ സ്വദേശി അക്ഷയ് ആണ് പിടിയിലായത്. ഇയാളിൽ നിന്ന് 15 ഗ്രാം എം.ഡി.എം.എ പിടികൂടി. ജില്ലാ പോലീസ് മേധാവിയുടെ സ്ക്വാഡാണ് പ്രതിയെ പിടികൂടിയത്.
Post Your Comments