ഇടനിലക്കാർക്ക് മദ്യം എത്തിച്ചുകൊടുക്കുന്ന ഓട്ടോ ഡ്രൈവർ അറസ്റ്റിൽ

ചെറുവത്തൂർ: ഇടനിലക്കാർക്ക് മദ്യം എത്തിച്ചുകൊടുക്കുന്ന ഓട്ടോ ഡ്രൈവർ പൊലീസ് പിടിയിൽ. ചായ്യോത്ത് കാരിമൂലയിലെ എച്ച്.വി. ഗണേശനാണ് പൊലീസ് പിടിയിലായത്. ചന്തേര പൊലീസാണ് പ്രതിയെ പിടികൂടിയത്.

Read Also : പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീഡിപ്പിച്ചു : പ്ര​തി പിടിയിൽ

ഓരി വിഷ്ണുമൂർത്തി ക്ഷേത്ര കമാനത്തിന് സമീപം ആണ് സംഭവം. ഓട്ടോയിൽ കടത്തിയ 15 മദ്യക്കുപ്പികളുമായാണ് ഇയാൾ പിടിയിലായത്. ചന്തേര സബ് ഇൻസ്പെക്ടർ എം.വി. ശ്രീദാസിന്റെ നേതൃത്വത്തിലുളള സംഘമാണ് അറസ്റ്റ് ചെയ്തത്. മാസങ്ങളായി പൊലീസിനെ വെട്ടിച്ച് പല വഴികളിലൂടെയാണ് ഇയാൾ മദ്യം കടത്തിയിരുന്നത്.

എ.എസ്.ഐ ലക്ഷ്മണൻ, സിവിൽ പൊലീസ് ഓഫീസർ പി.പി. സുധീഷ് എന്നിവരും പൊലീസ് സംഘത്തിൽ ഉണ്ടായിരുന്നു. പ്രതിയെ കോടതിയിൽ ഹാജരാക്കി.