ക​ഞ്ചാ​വു​മാ​യി യു​വാ​ക്ക​ൾ എക്സൈസ് പിടിയിൽ

മാ​ള: ക​ഞ്ചാ​വു​മാ​യി യു​വാ​ക്ക​ൾ അ​റ​സ്റ്റി​ൽ. താ​ഴെ​ക്കാ​ട് ക​ണ്ണി​ക്ക​ര കൊ​ടി​യ​ൻ വീ​ട്ടി​ൽ ജോ​യ​ൽ (22), പു​ത്ത​ൻ​ചി​റ മ​തി​യ​ത്ത്കു​ന്ന് വാ​തു​ക്കാ​ട​ൻ ക്രി​സ്റ്റി (22) എ​ന്നി​വ​രെ​യാ​ണ് മാ​ള എ​ക്സൈ​സ് സം​ഘം അറസ്റ്റ് ചെയ്തത്.

എ​ക്സൈ​സ് ഇ​ൻ​സ്പെ​ക്ട​ർ കെ. ​മ​ണി​ക​ണ്ഠ​ന് ല​ഭി​ച്ച ര​ഹ​സ്യ വി​വ​ര​ത്തെ തു​ട​ർ​ന്നാ​ണ് പു​ത്ത​ൻ​ചി​റ മ​തി​യ​ത്ത് കു​ന്നി​ൽ ​നി​ന്ന് 50 ഗ്രാം ​ക​ഞ്ചാ​വു​മാ​യി ക്രി​സ്റ്റി​യെ അ​റ​സ്റ്റ് ചെ​യ്ത​ത്. തു​ട​ർ​ന്ന്, ന​ട​ത്തി​യ അ​ന്വേ​ഷ​ണ​ത്തി​ൽ ക്രി​സ്റ്റി​ക്ക് ക​ഞ്ചാ​വ് ന​ൽ​കി​യ​ത് ജോ​യ​ൽ ആ​ണെ​ന്ന് ക​ണ്ടെ​ത്തുകയായിരുന്നു. തു​മ്പൂ​രി​ലെ വാ​ട​ക​വീ​ട്ടി​ൽ ​നി​ന്നാ​ണ് 400 ഗ്രാം ​ക​ഞ്ചാ​വു​മാ​യി ജോ​യ​ലി​നെ അ​റ​സ്റ്റ് ചെ​യ്ത​ത്. ജോ​യ​ലി​നെ​തി​രെ ആ​ളൂ​ർ പൊ​ലീ​സ് സ്റ്റേ​ഷ​നി​ൽ മൂ​ന്ന് ക്രി​മി​ന​ൽ കേ​സു​ക​ളും വ​ട​ക്കാ​ഞ്ചേ​രി എ​ക്സൈ​സി​ൽ ക​ഞ്ചാ​വ് കേ​സും നി​ല​വി​ലു​ണ്ട്. വി​ദ്യാ​ർത്ഥി​ക​ളെ കേ​ന്ദ്രീ​ക​രി​ച്ചാ​ണ് ഇ​വ​ർ വി​ൽ​പ​ന ന​ട​ത്തി​യി​രു​ന്ന​തെന്ന് പൊലീസ് പറഞ്ഞു.

Read Also : ഇതര മതസ്ഥരെ വിവാഹം ചെയ്താല്‍ മരണാനന്തര കര്‍മ്മങ്ങള്‍ക്ക് ഭ്രഷ്ട് കല്‍പ്പിച്ചിരുന്ന വ്യവസ്ഥ എടുത്ത് കളഞ്ഞ് രാജകുടുംബം

പ്രി​വ​ന്റീ​വ് ഉ​ദ്യോ​ഗ​സ്ഥ​ന്മാ​രാ​യ എ.​എ​സ്. പ്ര​മോ​ദ്, പി.​കെ. സു​നി​ൽ, പി.​ആ​ർ. സു​നി​ൽ​കു​മാ​ർ, സ​ന്തോ​ഷ് ബാ​ബു, ശ​ബ​രി​നാ​ഥ്, പി.​എ​സ്. ര​ജി​ത, കെ.​എ​സ്. കാ​വ്യ എ​ന്നി​വ​ർ അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്നു. പ്രതികളെ കോടതിയിൽ ഹാജരാക്കി.