ക​ഞ്ചാ​വ് ക​ട​ത്ത് : അ​ച്ഛ​നും മ​ക​നുമടക്കം നാലുപേർ എക്സൈസ് പിടിയിൽ

തൊ​ടു​പു​ഴ: അ​ന്യ​സം​സ്ഥാ​ന​ത്ത് നി​ന്നും കേ​ര​ള​ത്തി​ലേ​ക്ക് ക​ഞ്ചാ​വ് ക​ട​ത്തി​യ അ​ച്ഛ​നും മ​ക​നും രണ്ട് സ​ഹാ​യി​ക​ളും എക്സൈസ് പി​ടി​യി​ൽ. തൊ​ടു​പു​ഴ കാ​ളി​യാ​ർ സ്വ​ദേ​ശി ത​ങ്ക​പ്പ​ൻ, മ​ക​ൻ അ​രു​ൺ സു​ഹൃ​ത്തു​ക്ക​ളാ​യ പ​ടി​ഞ്ഞാ​റേ കോ​ടി​ക്കു​ളം സ്വ​ദേ​ശി നി​തി​ൻ വി​ജ​യ​ൻ, വ​ണ്ണ​പ്പു​റം സ്വ​ദേ​ശി അ​ബി​ൻ​സ് എ​ന്നി​വ​രെ​യാ​ണ് എ​ക്സൈ​സ് സം​ഘം പി​ടി​കൂ​ടി​യ​ത്.

Read Also : നി​യ​ന്ത്ര​ണം വി​ട്ട ബൈ​ക്ക് പോ​സ്റ്റി​ലി​ടി​ച്ച് യു​വാ​വിന് ദാരുണാന്ത്യം

ലോ​റി​യി​ൽ ക​ഞ്ചാ​വു​മാ​യെ​ത്തി​യ​പ്പോ​ഴാണ് പിടികൂടിയത്. ആ​ന്ധ്രാ​പ്ര​ദേ​ശി​ൽ നി​ന്നും കേ​ര​ള​ത്തി​ലേ​ക്ക് ലോ​റി​യി​ൽ ക​ട​ത്താ​ൻ ശ്ര​മി​ച്ച 80 കി​ലോ ക​ഞ്ചാ​വ് ഇ​വ​രി​ൽ നി​ന്നും പി​ടി​കൂ​ടിയിട്ടുണ്ട്. ഇ​വ​ർ ആ​ന്ധ്ര​പ്ര​ദേ​ശി​ൽ നി​ന്നും വ​ൻ​തോ​തി​ൽ ക​ഞ്ചാ​വ് തൊ​ടു​പു​ഴ​യി​ലെ​ത്തി​ച്ച് വി​ൽ​പ്പ​ന ന​ട​ത്തു​ന്ന​താ​യി എ​ക്സൈ​സി​നു വി​വ​രം ല​ഭി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ക​ഞ്ചാ​വ് പി​ടി​കൂ​ടി​യ​ത്. ഇ​വ​ർ സ​ഞ്ച​രി​ച്ച നാ​ഷ​ണ​ൽ പെ​ർ​മി​റ്റ് ലോ​റി​യും എ​ക്സൈ​സ് സം​ഘം ക​സ്റ്റ​ഡി​യി​ലെ​ടു​ത്തു.

ഇ​ടു​ക്കി സ്വ​ദേ​ശി നാ​സ​ർ എ​ന്ന​യാ​ളാ​ണ് ഇ​വ​ർ​ക്ക് നേ​തൃ​ത്വം ന​ൽ​കു​ന്ന​തെ​ന്നും എ​ക്സൈ​സ് ക​ണ്ടെ​ത്തിയിട്ടുണ്ട്. പ്രതികളെ കോടതിയിൽ ഹാജരാക്കി.