ദിവസവും ചെറു ചൂടുവെള്ളത്തിൽ ഉപ്പിട്ട് കുടിച്ച് നോക്കൂ : ​ഗുണങ്ങൾ നിരവധി

ഉപ്പിട്ട് വെള്ളം കുടിയ്ക്കുന്നതിനെ കുറിച്ച് ആരെങ്കിലും ചിന്തിച്ചിട്ടുണ്ടോ? പനിയും തൊണ്ടവേദനയുമൊക്കെ വരുമ്പോള്‍ ചൂടുവെള്ളത്തില്‍ ഉപ്പിട്ട് തൊണ്ടയില്‍ കൊള്ളാറുണ്ടെങ്കിലും അത് ആരും കുടിയ്ക്കാറില്ല. ദിവസവും 1 സ്പൂണ്‍ ചെറു ചൂട് ഉള്ള ഉപ്പുവെള്ളം കുടിക്കുന്നത് വളരെ നല്ലതാണ്. ഇത് പല ആരോഗ്യ പ്രതിസന്ധികളും ഇല്ലാതെയാക്കുന്നു. പലരേയും അലട്ടുന്ന ഒന്നാണ് നെഞ്ചെരിച്ചില്‍. ശരിയായ ദഹനത്തിലൂടെ നെഞ്ചെരിച്ചില്‍ പോലെയുള്ള പ്രതിസന്ധി മാറുന്നു. ദഹന പ്രശ്‌നങ്ങള്‍ ഇല്ലാതാക്കാന്‍ സഹായിക്കുന്ന ഒന്നാണ് ഉപ്പ് വെള്ളം.

ഡി ഹൈഡ്രേഷന്‍ കുറയ്ക്കാന്‍ സഹായിക്കുന്നു

നമ്മുടെ അശ്രദ്ധ കൊണ്ട് ഉണ്ടാകുന്ന ഒരു ആരോഗ്യ പ്രശ്‌നമാണ് ഡി ഹൈഡ്രേഷന്‍ അഥവാ നിര്‍ജലീകരണം. ദിവസവും പല തിരക്കില്‍ പെട്ടു നാം ആവശ്യത്തിന് വെള്ളം കുടിക്കുന്നില്ല. ഇത് നിര്‍ജലീകരണത്തിന് കാരണമാകുന്നു. തിരിച്ചറിഞ്ഞില്ലെങ്കില്‍ ഒരു പക്ഷെ മരണം വരെ സംഭവിക്കാവുന്ന ഒരു അവസ്ഥയാണ് ഇത്. വെറും വയറ്റില്‍ ഒരു സ്പൂണ്‍ ഉപ്പ് വെള്ളം കുടിക്കുന്നത് ഈ പ്രതിസന്ധി ഒഴിക്കുന്നു. ഉപ്പ് വെള്ളം കുടിച്ചാല്‍ പിന്നീട് ദാഹം ഉണ്ടാകുകയും വീണ്ടും വെള്ളം കുടിക്കാന്‍ തോന്നുകയും ചെയ്യും.

എല്ലിന്റെയും ചര്‍മ്മത്തിന്റെയും ആരോഗ്യം വര്‍ദ്ധിപ്പിക്കുന്നു

എല്ലാ പ്രായക്കാരെയും അലട്ടുന്ന പ്രധാന ആരോഗ്യ പ്രശ്‌നങ്ങളില്‍ ഒന്നാണ് അസ്ഥി രോഗങ്ങള്‍. ഇത് എല്ലിന്റെ ബലക്കുറവ് മൂലം ഉണ്ടാകുന്നവയാണ്. 1 സ്പൂണ്‍ ഉപ്പ് വെള്ളം കുടിക്കുന്നത് ഈ പ്രതിസന്ധിക്കുള്ള പരിഹാരം ആണ്. ഉപ്പില്‍ അടങ്ങിരിക്കുന്ന കാത്സ്യവും മിനറല്‍സും എല്ലിന്റെ ആരോഗ്യത്തിന് സഹായിക്കുന്നവയാണ്.

വിഷാംശം പുറന്തള്ളാന്‍ സഹായിക്കുന്നു

നാം കഴിക്കുന്ന ഭക്ഷണത്തില്‍ നിന്നും പല വിഷാംശവും നമ്മുടെ ശരീരത്തില്‍ അടിഞ്ഞു കൂടുന്നു. ഇത് നിരവധി ആരോഗ്യ പ്രശ്‌നങ്ങള്‍ക്ക് കാരണമാകുന്നു. ഈ പ്രതിസന്ധിക്കുള്ള ഒരു ഉത്തമ പരിഹാരമാണ് ഉപ്പ് വെള്ളം. ഉപ്പ് വെള്ളം കുടിക്കുമ്പോള്‍ ദഹനം ശരിയായി നടക്കുകയും അതിലൂടെ ശരീരത്തിലെ വിഷാംശം പുറന്തള്ളുകയും ചെയ്യുന്നു.

Read Also : ആസ്ത്മ രോഗിയാണോ? ശ്വാസകോശത്തിന്റെ പ്രവർത്തനങ്ങൾക്ക് ഈ ഭക്ഷണങ്ങൾ കഴിക്കൂ

ഉറക്കമില്ലായ്മയ്ക്കു ഉത്തമ പരിഹാരം

ഉറക്കമില്ലായ്മ പലരെയും അലട്ടുന്ന ഒരു വലിയ പ്രശ്‌നം തന്നെയാണ്. ഉറക്കമില്ലായ്മ പല ആരോഗ്യ പ്രശ്‌നങ്ങള്‍ക്ക് കാരണമാകുന്നു. എന്തെങ്കിലും തരത്തിലുള്ള മാനസിക സമ്മര്‍ദ്ദം അനുഭവിക്കുന്നവര്‍ക്ക് ഉറക്കം തീരെ ലഭിക്കുന്നില്ല. ഇത് പല പ്രതിസന്ധികള്‍ക്കും കാരണമാകുന്നു. ഇതിനുള്ള ഒരു ഉത്തമ പരിഹാരമാര്‍ഗമാണ് ചെറു ചൂടുള്ള ഉപ്പു വെള്ളം. ചെറു ചൂടുള്ള ഉപ്പു വെള്ളം കുടിക്കുന്നത് നല്ല ഉറക്കം ലഭിക്കാന്‍ സഹായിക്കുന്നു.

ദഹനവും നെഞ്ചെരിച്ചിലും

ദഹന സംബന്ധമായ പ്രശ്‌നങ്ങള്‍ ഉള്ളവര്‍ അനവധി ആണ്. ശരിയായ ദഹനം നടന്നില്ലെങ്കില്‍ ഉദര സംബന്ധമായ രോഗങ്ങള്‍ ഉണ്ടാകുന്നു. ഇത് പല ആരോഗ്യ പ്രശ്‌നങ്ങളും സൃഷ്ടിക്കുന്നു. ദിവസവും ഒരു സ്പൂണ്‍ ഉപ്പ് വെള്ളം കുടിക്കുന്നത് ദഹന പ്രശ്‌നങ്ങള്‍ ഇല്ലാതെയാക്കുന്നു. നാവിലെ രസമുകുളങ്ങളെ ശരിയായി പ്രവര്‍ത്തിച്ച് ഉമിനീര് വര്‍ദ്ധിക്കാന്‍ സഹായിക്കുന്ന ഒന്നാണ് ഉപ്പ് വെള്ളം.

രോഗപ്രതിരോധ ശേഷി വര്‍ദ്ധിപ്പിക്കുന്നു

ഉപ്പ് വെള്ളം കുടിക്കുന്നത് കൊണ്ടുള്ള പ്രധാന ഗുണം രോഗപ്രതിരോധ ശേഷി വര്‍ദ്ധിക്കുന്നു എന്നതാണ്. രോഗപ്രതിരോധ ശേഷി കുറയുന്നത് പല ആരോഗ്യ പ്രശ്‌നങ്ങള്‍ക്കും കാരണമാകുന്നു. അതിനാല്‍, ദിനവും അല്പം ചെറു ചൂടുള്ള ഉപ്പ് വെള്ളം കുടിക്കുന്നത് ശീലമാക്കുക.