ഷൊർണൂർ: കഞ്ചാവുമായി റെയിൽവേ സ്റ്റേഷനിൽ നിന്ന് പിടിയിലായ ആൾക്ക് 10 വർഷം തടവും ഒരുലക്ഷം രൂപ പിഴയും ശിക്ഷ വിധിച്ച് കോടതി. മലപ്പുറം തിരൂരങ്ങാടി എ.ആർ. നഗർ പല്ലിശ്ശേരി മുഹമ്മദ് സാദിഖി (43)നെയാണ് കോടതി ശിക്ഷിച്ചത്. ജില്ലാ അഡീ.സെഷൻസ് കോടതി ആണ് ശിക്ഷ വിധിച്ചത്.
2019 മേയ് എട്ടിനാണ് സംഭവം നടന്നത്. സാദിഖിനെ 20 കിലോഗ്രാം കഞ്ചാവുമായിട്ടാണ് റെയിൽവേ പൊലീസ് പിടികൂടിയത്. അന്നത്തെ റെയിൽവേ പൊലീസ് എസ്ഐ കെ.വി. വിനിൽകുമാറിന്‍റെ നേതൃത്വത്തിൽ എഎസ്ഐ വി.എ. ജോസഫ്, എസ്‌സിപിഒ എ.അനിൽകുമാർ എന്നിവരങ്ങുന്ന സംഘത്തിന്‍റെ നേതൃത്വത്തിലായിരുന്നു പരിശോധന.
തുടർന്ന്, ഇൻസ്പെക്ടർ കീർത്തിബാബു, എഎസ്ഐ കൃഷ്ണപ്രസാദ് എന്നിവരുടെ നേതൃത്വത്തിൽ ആണ് അന്വേഷണം നടത്തി കുറ്റപത്രം സമർപ്പിച്ചത്.
Post Your Comments