കോട്ടയം: റെസ്റ്ററന്‍റില്‍ മോഷണം നടത്തിയ മുന്‍ ജീവനക്കാരന്‍ അറസ്റ്റില്‍. തൃക്കൊടിത്താനം കോട്ടമുറി ഇരിപ്പിക്കല്‍ ശ്രീജുവി(25)നെയാണ് പൊലീസ് അറസ്റ്റ് ചെയ്തത്. ചിങ്ങവനം പൊലീസ് ആണ് അറസ്റ്റ് ചെയ്തത്.
Read Also : ഇന്ധനവിലയിൽ മാറ്റമില്ല, പ്രധാന നഗരങ്ങളിലെ നിരക്കുകൾ അറിയാം
കഴിഞ്ഞ ദിവസം പുലര്‍ച്ചെയാണ് സംഭവം. നാട്ടകം ഭാഗത്തുള്ള റെസ്റ്ററന്‍റില്‍ കയറി മേശയില്‍ സൂക്ഷിച്ചിരുന്ന പണം മോഷ്ടിക്കുകയും തൊട്ടടുത്തുള്ള മാടക്കടയില്‍ നിന്നു പണവും ബോക്‌സില്‍ വിൽപ്പനയ്ക്കായി സൂക്ഷിച്ചിരുന്ന ബീഡിയും സിഗരറ്റും ഉള്‍പ്പെടെ മോഷ്ടിക്കുകയായിരുന്നു. പൊലീസിന്‍റെ അന്വേഷണത്തിൽ മോഷ്ടാവ് കടയുമായി ബന്ധമുള്ള ആളാണെന്ന് കണ്ടെത്തുകയും മുന്‍ജീവനക്കാരെ കേന്ദ്രീകരിച്ച് നടത്തിയ അന്വേഷണത്തില്‍ ശ്രീജുവിനെ ചെട്ടിക്കുന്നത്തുള്ള വീട്ടില്‍ നിന്നു പിടികൂടുകയായിരുന്നു. ഇയാള്‍ അഞ്ചു മാസം മുമ്പ് ഇവിടെ ജോലി ചെയ്തിരുന്നു.
ചിങ്ങവനം എസ്എച്ച്ഒ ടി.ആര്‍. ജിജുവിന്‍റെ നേതൃത്വത്തിലാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.
Post Your Comments