മ്യൂസിക്ബോട്ട് ഇവോ: ഓഫർ വിലയിൽ സൗണ്ട്ബാർ സ്വന്തമാക്കാൻ അവസരം

ഉപയോക്താക്കൾക്ക് കിടിലൻ ഓഫറുമായി എത്തിയിരിക്കുകയാണ് പ്രമുഖ ഓൺലൈൻ ഷോപ്പിംഗ് വെബ്സൈറ്റായ ഫ്ലിപ്കാർട്ട്. ഇത്തവണ സൗണ്ട്ബാറാണ് ഓഫർ വിലയിൽ സ്വന്തമാക്കാൻ അവസരം നൽകിയിരിക്കുന്നത്. മ്യൂസിക്ബോട്ട് ഇവോ എന്ന് പേരിട്ടിരിക്കുന്ന സൗണ്ട്ബാർ പിട്രോൺ ആണ് പുറത്തിറക്കിയിരിക്കുന്നത്. പരിമിത കാലത്തേക്ക് മാത്രം ലഭ്യമാകുന്ന ഈ ഓഫറിൽ 3,799 രൂപയുടെ സൗണ്ട്ബാർ 999 രൂപയ്ക്ക് സ്വന്തമാക്കാനുള്ള അവസരമാണ് ലഭിക്കുക.

ബ്ലൂടൂത്ത് വി5.0 കണക്ടിവിറ്റിയാണ് നൽകിയിരിക്കുന്നത്. ഒറ്റ ചാർജിന് 10 മണിക്കൂർ വരെ പ്ലേ ടൈം ലഭിക്കുന്ന ഈ സൗണ്ട്ബാർ ടിവി, ലാപ്ടോപ്പ്, ടാബ്‌ലെറ്റ് എന്നീ ഉപകരണങ്ങളിൽ വയർലെസായി ബന്ധിപ്പിക്കാൻ സാധിക്കും. 38.7×6.5×6.5 സെന്റീമീറ്റർ വലിപ്പമുള്ള കോംപാക്ട് ഡിസൈനിൽ വോളിയം ക്രമീകരിക്കാനും ട്രാക്കുകൾ തിരഞ്ഞെടുക്കാനുള്ള പ്രത്യേക സജ്ജീകരണങ്ങൾ ഒരുക്കിയിട്ടുണ്ട്. 1,200 എംഎഎച്ച് ബാറ്ററി ലൈഫാണ് കാഴ്ചവയ്ക്കുന്നത്.

Also Read: കോവിഡ്: യുഎഇയിൽ ഇന്ന് സ്ഥിരീകരിച്ചത് 602 കേസുകൾ