ഉറക്കക്കുറവ് നിങ്ങളെ ബാധിക്കുന്നത് ഇങ്ങനെയെല്ലാം: പഠനം

ശാരീരിക ആരോഗ്യത്തിനും മാനസികാരോഗ്യത്തിനും ശക്തമായ പ്രയോജനങ്ങൾ നൽകുന്നതിനാൽ ശരിയായ ഉറക്കം എല്ലായ്പ്പോഴും ഡോക്ടർമാർ ശുപാർശ ചെയ്യുന്നു. ഉറക്കക്കുറവ് ഹൃദയ സംബന്ധമായ അസുഖങ്ങൾ, വിഷാദം, പ്രമേഹം, രക്തസമ്മർദ്ദം, എന്നിവയ്ക്കുള്ള കാരണമാകുന്നു. മൊത്തത്തിലുള്ള മരണനിരക്ക് വർദ്ധിക്കുന്നതിനും ഉറക്കക്കുറവ് കാരണമാകുന്നു.

ഇപ്പോൾ, ഒരു പുതിയ പഠനം അവകാശപ്പെടുന്നത് ഉറക്കമില്ലാത്ത രാത്രികൾ സ്വാർത്ഥ സ്വഭാവത്തിന് കാരണമാകുമെന്നാണ്. ബെർക്ക്‌ലിയിലെ കാലിഫോർണിയ സർവ്വകലാശാലയിലെ ശാസ്ത്രജ്ഞർ നടത്തിയ പുതിയ പഠനം വെളിപ്പെടുത്തുന്നത്, ഉറക്കക്കുറവ് നമ്മുടെ അടിസ്ഥാന സാമൂഹിക മനഃസാക്ഷിയെ തകരാറിലാക്കുകയും മറ്റുള്ളവരെ സഹായിക്കാനുള്ള നമ്മുടെ ആഗ്രഹവും സന്നദ്ധതയും പിൻവലിക്കുകയും ചെയ്യുന്നു എന്നാണ്.

1. ഗവേഷകർ എന്താണ് കണ്ടെത്തിയത്?

ഐഫോൺ 14: ദീപാവലിക്ക് ഇന്ത്യൻ വിപണിയിൽ അവതരിപ്പിക്കാൻ സാധ്യത

ഈ ‘സ്വാർത്ഥ’ ഫലത്തെക്കുറിച്ച് ഗവേഷകർ യു.എസിൽ മൂന്ന് പഠനങ്ങൾ നടത്തി, നാഡീ പ്രവർത്തനത്തിലും മറ്റുള്ളവർക്ക് ഗുണം ചെയ്യുന്ന സ്വഭാവത്തിലും വന്ന മാറ്റങ്ങൾ വിശകലനം ചെയ്തു, ചെറിയ ഉറക്കം നഷ്ടപ്പെട്ടതിന് ശേഷവും ഇത് വ്യാപകമാണെന്ന് കണ്ടെത്തി.

2. ഉറക്കക്കുറവ് വ്യക്തിബന്ധങ്ങളെ ബാധിക്കുന്നു.

അപര്യാപ്തമായ ഉറക്കം ഒരു വ്യക്തിയുടെ മാനസികവും ശാരീരികവുമായ ക്ഷേമത്തെ മാത്രമല്ല, പരസ്പര ബന്ധങ്ങളെയും ഒരു രാജ്യത്തിന്റെ മുഴുവൻ പരോപകാര വികാരത്തെപ്പോലും അപകടത്തിലാക്കുമെന്ന് പഠനം അഭിപ്രായപ്പെട്ടു.

3. ഉറക്കക്കുറവ് കാരണം ആളുകൾ കുറവ് സംഭാവന ചെയ്യുന്നു.

പുതിയ പഠനത്തിന്റെ ഒരു വിഭാഗത്തിൽ, മിക്ക സംസ്ഥാനങ്ങളിലെയും ജനങ്ങൾക്ക് അവരുടെ ദിവസത്തിന്റെ ഒരു മണിക്കൂർ നഷ്ടപ്പെടുമ്പോൾ തുടർന്നുള്ള ആഴ്‌ചയിൽ ദാനം 10% കുറഞ്ഞതായി ഗവേഷകർ കണ്ടെത്തി. എന്നാൽ, ശരിയായ ഉറക്കം ലഭിക്കുന്ന ആൾക്കാരുള്ള സംസ്ഥാനങ്ങളിൽ ഇത് കാണുന്നില്ല. 2001 നും 2016 നും ഇടയിൽ യു.എസിൽ നൽകിയ 3 ദശലക്ഷം ചാരിറ്റബിൾ സംഭാവനകളുടെ രേഖകൾ ഇതിനായി അധികൃതർ വിലയിരുത്തി.

4. കുറഞ്ഞ ഉറക്കം സാമൂഹിക ഇടപെടലുകളെ നശിപ്പിക്കുന്നു.

തൊടുപുഴ അര്‍ബന്‍ കോ- ഓപ്പറേറ്റീവ് ബാങ്കിന് നിയന്ത്രണം ഏര്‍പ്പെടുത്തി റിസര്‍വ് ബാങ്ക് ഓഫ് ഇന്ത്യ

‘ഉറക്കക്കുറവ് ഒരു വ്യക്തിയുടെ ആരോഗ്യത്തെ മാത്രമല്ല, വ്യക്തികൾ തമ്മിലുള്ള സാമൂഹിക ഇടപെടലുകളെയും ആത്യന്തികമായി മനുഷ്യ സമൂഹത്തിന്റെ ഘടനയെ തന്നെയും നശിപ്പിക്കുമെന്നും പുതിയ ഗവേഷണം കാണിക്കുന്നു,’ ഗവേഷകരിലൊരാളായ മാത്യു വാക്കർ പറഞ്ഞു.

‘ഞങ്ങൾ ഒരു സാമൂഹിക ജീവിയായി എങ്ങനെ പ്രവർത്തിക്കുന്നു എന്നത്, നമുക്ക് എത്രത്തോളം ഉറക്കം ലഭിക്കുന്നു എന്നതിനെ ആശ്രയിച്ചിരിക്കുന്നു,’ അദ്ദേഹം പറഞ്ഞു.

5. ഉറക്കക്കുറവ് മറ്റുള്ളവരെ സഹായിക്കാനുള്ള ആളുകളുടെ സന്നദ്ധതയെ എങ്ങനെ ബാധിക്കുന്നു?

എട്ട് മണിക്കൂർ ഉറക്കത്തിനും ഒരു രാത്രി ഉറക്കമില്ലാഞ്ഞതിനു ശേഷവും ഫങ്ഷണൽ മാഗ്നറ്റിക് റെസൊണൻസ് ഇമേജർ (എഫ്.എം. ആർ.ഐ) ഉപയോഗിച്ച് ആരോഗ്യമുള്ള 24 സന്നദ്ധപ്രവർത്തകരുടെ തലച്ചോറ് ഗവേഷകർ സ്കാൻ ചെയ്തു.

ഉറക്കമില്ലാത്ത രാത്രിക്ക് ശേഷം, ആളുകൾ മറ്റുള്ളവരുമായി സഹാനുഭൂതി കാണിക്കുമ്പോഴോ മറ്റുള്ളവരുടെ ആവശ്യങ്ങൾ മനസ്സിലാക്കാൻ ശ്രമിക്കുമ്പോഴോ ഇക്കാര്യത്തിൽ ഇടപെടുന്ന തലച്ചോറിന്റെ ഭാഗങ്ങൾ പ്രവർത്തനക്ഷമമല്ലെന്ന് അവർ കണ്ടെത്തി.