ശ്രീ ജഗന്നാഥ പഞ്ചകം

രക്താംഭോരുഹദര്‍പഭഞ്ജനമഹാസൌന്ദര്യനേത്രദ്വയം
മുക്താഹാരവിലംബിഹേമമുകുടം രത്നോജ്ജ്വലത്കുണ്ഡലം ।
വര്‍ഷാമേഘസമാനനീലവപുഷം ഗ്രൈവേയഹാരാന്വിതം
പാര്‍ശ്വേ ചക്രധരം പ്രസന്നവദനം നീലാദ്രിനാഥം ഭജേ ॥ 1॥

ഫുല്ലേന്ദീവരലോചനം നവഘനശ്യാമാഭിരാമാകൃതിം
വിശ്വേശം കമലാവിലാസവിലസത്പാദാരവിന്ദദ്വയം ।
ദൈത്യാരിം സകലേന്ദുമംഡിതമുഖം ചക്രാബ്ജഹസ്തദ്വയം
വന്ദേ ശ്രീപുരുഷോത്തമം പ്രതിദിനം ലക്ഷ്മീനിവാസാലയം ॥ 2॥

ഉദ്യന്നീരദനീലസുന്ദരതനും പൂര്‍ണേന്ദുബിംബാനനം
രാജീവോത്പലപത്രനേത്രയുഗലം കാരുണ്യവാരാംനിധിം ।
ഭക്താനാം സകലാര്‍തിനാശനകരം ചിന്താര്‍ഥിചിന്താമണിം
വന്ദേ ശ്രീപുരുഷോത്തമം പ്രതിദിനം നീലാദ്രിചൂഡാമണിം ॥ 3॥

നീലാദ്രൌ ശംഖമധ്യേ ശതദലകമലേ രത്നസിംഹാസനസ്ഥം
സര്‍വാലംകാരയുക്തം നവഘന രുചിരം സംയുതം ചാഗ്രജേന ।
ഭദ്രായാ വാമഭാഗേ രഥചരണയുതം ബ്രഹ്മരുദ്രേന്ദ്രവംദ്യം
വേദാനാം സാരമീശം സുജനപരിവൃതം ബ്രഹ്മദാരും സ്മരാമി ॥ 4॥

ദോര്‍ഭ്യാം ശോഭിതലാംഗലം സമുസലം കാദംബരീചഞ്ചലം
രത്നാഢ്യം വരകുണ്ഡലം ഭുജബലൈരാകാംതഭൂമണ്ഡലം ।
വജ്രാഭാമലചാരുഗണ്ഡയുഗലം നാഗേന്ദ്രചൂഡോജ്ജ്വലം
സംഗ്രാമേ ചപലം ശശാംകധവലം ശ്രീകാമപാലം ഭജേ ॥ 5॥

ഇതി ശ്രീ ജഗന്നാഥ പഞ്ചകം സമാപ്തം ॥