കൊച്ചി: കാക്കനാട് ഫ്ലാറ്റിലെ കൊലപാതകക്കേസില്‍ പ്രതി അര്‍ഷാദുമായി ഇന്നും അന്വേഷണ സംഘം തെളിവെടുപ്പ് നടത്തും. കൊലപാതകം നടത്തിയത് താന്‍ ഒറ്റയ്ക്കാണെന്ന് പ്രതി പോലീസിനോട് സമ്മതിച്ചിട്ടുണ്ട്. കേസില്‍ കൂടുതല്‍ പേര്‍ക്ക് പങ്ക് ഉണ്ടോ എന്നും പോലീസ് പരിശോധിക്കുകയാണ്.
കഴിഞ്ഞ ദിവസം ഫ്ലാറ്റിലെത്തി പ്രാഥമിക തെളിവെടുപ്പ് നടത്തിയിരുന്നു. കൊലപാതകം നടത്തിയത് അര്‍ഷാദാണെങ്കിലും മൃതദേഹം മാറ്റാന്‍ ആരുടെയെങ്കിലും സഹായം ലഭിച്ചിട്ടുണ്ടോ എന്നും അന്വേഷണസംഘം പരിശോധിക്കുന്നുണ്ട്.
പ്രതിയെ വിശദമായ ചോദ്യം ചെയ്യലിനായി ഓഗസ്റ്റ് 27 വരെ കസ്റ്റഡിയില്‍ വിട്ടിട്ടുണ്ട്. കൊലക്കുപയോഗിച്ചു എന്ന് കരുതുന്ന കത്തിയും പോലീസ് കണ്ടെത്തിയിട്ടുണ്ട്.
ചോരക്കറ കണ്ടെത്തിയ ആയുധത്തില്‍ നിന്നും വിരലടയാളങ്ങള്‍ ശേഖരിച്ചിട്ടുണ്ട്.
Post Your Comments