നടേശ പഞ്ചരത്ന സ്തോത്രം

നടേശ പഞ്ചരത്നസ്തോത്രം

॥ ധ്യാനം ॥

വാമേ ഭൂധരജാ പുരശ്ച വൃഷരാട് പശ്ചാന്‍മുനിര്‍ജൈമിനിഃ ।
ശ്രീ മദ്-വ്യാസ പതഞ്ജലീത്യുഭയതഃ വായ്വാദികോണേഷു ച ॥

ശ്രീമത്തില്ലവനൈകവാസിമഖിനഃ ബ്രഹ്മാദിവൃന്ദാരകാഃ
മധ്യേ സ്വര്‍ണ സഭാപതിര്‍വിജയതേ ഹൃത്പുണ്ഡരീകേ പുരേ ॥

॥ അഥ ശ്രീ നടേശ പഞ്ചരത്നം ॥

ശ്രീമച്ചിദംബരനടനാത് നടരാജരാജാത്
വിദ്യാധിപാത് വിവിധമങ്ഗലദാനശൌണ്ഡാത് ।
പൂര്‍ണേന്ദു സുന്ദര മുഖാത് ദ്വിജരാജചൂഡാത്
ഭര്‍ഗാത്പരം കിമപി തത്ത്വമഹം ന ജാനേ ॥ 1॥

ഡക്കാവിഭൂശിതകരാത് വിഷനീലകണ്ടാത് ।
ഫുല്ലാരവിന്ദനയനാത് ഫണിരാജവന്ദ്യാത് ।
വ്യാഘ്രാംഘ്രി പൂജ്യചരണാത് ശിവകുഞ്ചിതാങ്ഘ്രേഃ
ശംഭോഃ പരം കിമപി തത്ത്വമഹം ന ജാനേ ॥ 2॥

ശ്രീനാഥമൃഗ്യചരണാത് വിധിമൃഗ്യചൂഡാത്
ശ്രീപുണ്ഡരീക നിലയാത് ശ്രിതദുഃഖനാശാത് ।
ശ്രീമദ്ഗുഹസ്യ ജനകാത് സുഖടത്തരാജാത്
ശ്രീശാത്പരം കിമപി തത്ത്വമഹം ന ജാനേ ॥ 3॥

ശ്രീമദ്ഗണേശജനകാത് മഖിവൃന്ദപൂജ്യാത്
തില്ലീടവീസുനിലയാത് ത്രിപുരാംബികേശാത് ।
വ്യാഘ്രാജിനാംബരധരാത് ഉരൂരോഗനാശാത്
രുദ്രാത്പരം കിമപി തത്ത്വമഹം ന ജാനേ ॥ 4॥

ശ്രിമദ്-വ്യാഘ്രപുരേശ്ചരാത് ഫണിരാജഭൂഷാത്
സംസാര രോഗഭിഷജഃ നിഖിലാണ്ഡപാലാത് ।
ശ്രീമദ്ധേമസഭേശ്വരാത് ലലിതാംബികേശാത്
സ്ഥാണോഃ പരം കിമപി തത്ത്വമഹം ന ജാനേ ॥ 5॥

॥ അഥ ഫലശ്രുതിഃ ॥

പഞ്ചരത്നം നടേശസ്യ സോമശേഖരയജ്വഭിഃ ।
സംസ്തുതം യഃ പഠേന്നിത്യം ശാശ്വതം തസ്യ മങ്ഗലം ॥

॥ ഇതി ശ്രീ നടേശ പഞ്ചരത്നം സമ്പൂര്‍ണം ॥
സത്യം സനാതനം