കോട്ടയം: കുട്ടികളെ മദ്യപിക്കാൻ പ്രേരിപ്പിച്ച കുറ്റത്തിന് പിതാവ് അറസ്റ്റിൽ. വടവാതൂർ തേവർകുന്ന് അമ്പലത്തിനു സമീപം പാറയ്ക്കപറമ്പിൽ അരുണ്‍കുമാർ (36) നെയാണ് അറസ്റ്റ് ചെയ്തത്. മണർകാട് പൊലീസ് ആണ് അറസ്റ്റ് ചെയ്തത്.
Read Also : കൊച്ചി നഗരത്തെ ഞെട്ടിച്ച ഫ്ളാറ്റ് കൊലപാതക കേസില്‍ നിര്‍ണായക വഴിത്തിരിവ്
സ്ഥിരമായി ഇയാൾ മദ്യപിച്ച് വീട്ടിൽ വന്നു വഴക്കുണ്ടാക്കുകയും മദ്യപിക്കാൻ ഷാപ്പിൽ പോകുമ്പോൾ കുട്ടികളെ ബലമായി കൂട്ടിക്കൊണ്ടു പോവുകയും ചെയ്തിരുന്നു. വീട്ടിൽ ഇരുന്നു മദ്യപിക്കുന്ന സമയത്തു കുട്ടികളെ നിർബന്ധിച്ച് മദ്യപിക്കാൻ പ്രേരിപ്പിക്കുകയുമായിരുന്നു.
ഇതു ചോദ്യം ചെയ്ത അമ്മയെ ഇയാൾ കാപ്പിവടി കൊണ്ടടിച്ചു പരിക്കേൽപ്പിച്ചു. തുടർന്ന്, ഭാര്യ മണർകാട് പൊലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിലാണ് അറസ്റ്റ്. മണർകാട് എസ്എച്ച്ഒ അനിൽ ജോർജ്, എസ്ഐ പി.എ. ഷമീർഖാൻ, സിപിഒമാരായ ഹരികുമാർ, പി.എസ്. സുബിൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments