വിവോ വൈ35: മലേഷ്യൻ വിപണിയിൽ അവതരിപ്പിച്ചു

വിവോയുടെ ഏറ്റവും പുതിയ സ്മാർട്ട്ഫോണായ വിവോ വൈ35 വിപണിയിൽ. മലേഷ്യയിലാണ് ഇത്തവണ വൈ സീരീസിലെ വിവോ വൈ35 അവതരിപ്പിച്ചിരിക്കുന്നത്. മലേഷ്യയിലെ വിവോയുടെ ഔദ്യോഗിക വെബ്സൈറ്റ് മുഖാന്തരം ഈ സ്മാർട്ട്ഫോൺ മുൻകൂട്ടി ഓർഡർ ചെയ്യാനുള്ള സംവിധാനം ഒരുക്കിയിട്ടുണ്ട്. ഈ സ്മാർട്ട്ഫോണിന്റെ സവിശേഷതകൾ പരിചയപ്പെടാം.

6.58 ഇഞ്ച് ഫുൾ എച്ച്ഡി എൽസിഡി ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 90 ഹെർട്സ് റിഫ്രഷ് റേറ്റും ലഭിക്കുന്നുണ്ട്. സ്നാപ്ഡ്രാഗൺ 680 പ്രോസസറിലാണ് പ്രവർത്തനം. വിവോ വൈ35 ആൻഡ്രോയ്ഡ് 12 അടിസ്ഥാനമാക്കിയുള്ള ഫൺടച്ച് ഒഎസ് 12 ആണ് നൽകിയിരിക്കുന്നത്. 8 ജിബി റാം പ്ലസ് 256 ജിബി ഇന്റേണൽ സ്റ്റോറേജിലാണ് ഈ സ്മാർട്ട്ഫോൺ വാങ്ങാൻ സാധിക്കുക. കൂടാതെ, അഗേറ്റ് ബ്ലാക്ക്, ഡോൺ ഗോൾഡ് എന്നീ നിറങ്ങളിലാണ് പുറത്തിറക്കിയിരിക്കുന്നത്.

Also Read: ‘രാഹുലിന്റെ ഇഷ്ടഭക്ഷണം യച്ചൂരിയോട് ചോദിക്ക് ഷംസീറേ’: കുറിപ്പ്

50 മെഗാപിക്സൽ പ്രധാന സെൻസർ, 2 മെഗാപിക്സൽ മാക്രോ സെൻസർ എന്നിവയാണ് പിന്നിൽ നൽകിയിരിക്കുന്നത്. 16 മെഗാപിക്സലാണ് സെൽഫി ക്യാമറ. 5,000 എംഎഎച്ച് ബാറ്ററി ലൈഫും 44W ഫ്ലാഷ് ചാർജിംഗും ലഭ്യമാണ്. ഈ സ്മാർട്ട്ഫോണുകളുടെ ഇന്ത്യൻ വില ഏകദേശം 19,600 രൂപയാണ്.