മുംബൈ: ഏഷ്യ കപ്പിനുള്ള ഇന്ത്യന്‍ ടീമിനെ പ്രഖ്യാപിച്ചപ്പോള്‍ മുഹമ്മദ് ഷമിയെ ഒഴിവാക്കാനുള്ള തീരുമാനത്തെ പിന്തുണച്ച് മുന്‍ പാകിസ്ഥാന്‍ താരം സല്‍മാന്‍ ബട്ട്. യുഎഇയില്‍ അത്ര മികച്ച റെക്കോര്‍ഡല്ല ഷമിക്കെന്നാണ് ബട്ട് പറയുന്നത്. അതുകൊണ്ടുതന്നെയാണ് താരത്തെ ഏഷ്യാ കപ്പില്‍ നിന്നൊഴിവാക്കിയതെന്നാണ് ബട്ടിന്റെ അഭിപ്രായം.
‘ഏഷ്യകപ്പില്‍ നിന്ന് ഷമിക്ക് വിശ്രമം അനുവദിച്ചതാണെന്ന് എനിക്ക് തോന്നുന്നു. കാരണം, നേരത്തെ യുഎഇയില്‍ കളിച്ചപ്പോള്‍ അത്രവലിയ ഇംപാക്റ്റ് ഉണ്ടാക്കാന്‍ താരത്തിന് സാധിച്ചിരുന്നില്ല. ഫീല്‍ഡിംഗ്, ബാറ്റിംഗ്, ലോവര്‍ ഓര്‍ഡര്‍ എന്നീ ഭാഗത്ത് ഇംപാക്റ്റ് ഉണ്ടാക്കാന്‍ കെല്‍പ്പുള്ള താരങ്ങളെയാണ് ഇന്ത്യ തിരഞ്ഞെടുത്തത്’ ബട്ട് ട്വിറ്ററിൽ കുറിച്ചു.
Read Also:- മുഖത്തെ എണ്ണമയം കുറയ്ക്കാന്‍!
മൂന്ന് സ്‌പെലിസ്റ്റ് സ്പിന്നര്‍മാരെ ഉള്‍പ്പെടുത്തിയാണ് ഇന്ത്യന്‍ ടീമിനെ പ്രഖ്യാപിച്ചത്. ഭുവനേശ്വര്‍ കുമാര്‍, ആവേഷ് ഖാന്‍, അര്‍ഷ്ദീപ് സിംഗ് എന്നിവരാണ് ടീമിലെ പേസര്‍മാര്‍. ജസ്പ്രിത് ബുമ്ര, ഹര്‍ഷല്‍ പട്ടേല്‍ എന്നിവര്‍ക്ക് പരിക്ക് കാരണം ടൂര്‍ണമെന്റ് നഷ്ടമാവും. സീനിയര്‍ താരങ്ങളായ വിരാട് കോഹ്ലി, വൈസ് ക്യാപ്റ്റൻ കെഎല്‍ രാഹുല്‍ എന്നിവർ ടീമിൽ തിരിച്ചെത്തി. അതേസമയം, മലയാളി താരം സഞ്ജു സാംസണിനെ ടീമിലേക്ക് പരിഗണിച്ചില്ല.
Post Your Comments