ഇൻഡിഗോ എയർലൈനിന് 16 വയസ് തികയുന്നു, ആഭ്യന്തര സർവീസുകൾക്ക് വമ്പിച്ച കിഴിവുകൾ

രാജ്യത്തെ പ്രമുഖ എയർലൈനായ ഇൻഡിഗോയുടെ സേവനങ്ങൾ ആരംഭിച്ചിട്ട് 16 വർഷങ്ങൾ പിന്നിടുന്നു. വാർഷികത്തിന്റെ ഭാഗമായി ‘സ്വീറ്റ് 16’ എന്ന പേരിൽ നിരവധി ഓഫറുകൾ പ്രഖ്യാപിച്ചിരിക്കുകയാണ് ഇൻഡിഗോ. ഓഗസ്റ്റ് 3 ന് ആരംഭിച്ച ഓഫർ ഓഗസ്റ്റ് 5 ന് അവസാനിക്കും. റിപ്പോർട്ടുകൾ പ്രകാരം, 2022 ഓഗസ്റ്റ് 18 നും 2023 ജൂലൈ 16 നും ഇടയിലുളള യാത്രകൾക്കാണ് ഓഫർ ലഭിക്കുക.

ഓഗസ്റ്റ് അഞ്ചാണ് ടിക്കറ്റുകൾ ബുക്ക് ചെയ്യാനുള്ള അവസാന തീയതി. എച്ച്എസ്ബിസി ക്രെഡിറ്റ് കാർഡുകൾ, കാ- ചിംഗ് കാർഡുകൾ എന്നിവ ഉപയോഗിച്ച് ബുക്ക് ചെയ്യുന്നതിലൂടെ ക്യാഷ് ബാക്കും റിവാർഡ് പോയിന്റും ലഭിക്കുന്നതാണ്. ടിക്കറ്റുകളുടെ ഏറ്റവും ചുരുങ്ങിയ നിരക്ക് 1,616 രൂപയാണ്.

Also Read: വികസന പദ്ധതികൾ ജനങ്ങൾ നിറവേറ്റിയാൽ 25 വർഷത്തിനുള്ളിൽ ഇന്ത്യ വിശ്വഗുരു: കേന്ദ്ര ആഭ്യന്തര മന്ത്രി അമിത് ഷാ

ഡൽഹിയിൽ നിന്നും ഗുവാഹത്തി വഴി ഇംഫാലിലേക്ക് പറന്നു കൊണ്ടായിരുന്നു ആദ്യ സർവീസ് ആരംഭിച്ചത്. 2006 ഓഗസ്റ്റ് 4 ന് ആയിരുന്നു കന്നി യാത്ര. മറ്റു വിമാന കമ്പനികളെ അപേക്ഷിച്ച് ചിലവ് കുറഞ്ഞ യാത്ര ലഭ്യമാക്കുന്നതിനാൽ രാജ്യത്തെ ജനപ്രിയ എയർലൈനാണ് ഇൻഡിഗോ.