കുറഞ്ഞ വിലയിൽ കൂടുതൽ ഫീച്ചർ, Infinix Smart 6 Plus വിപണിയിലെത്തി

പ്രമുഖ സ്മാർട്ട്ഫോൺ നിർമ്മാതാക്കളാണ് Infinix. വിപണിയിൽ നിരവധി ബഡ്ജറ്റ് റേഞ്ചിലുളള സ്മാർട്ട്ഫോണുകൾ Infinix പുറത്തിറക്കിയിട്ടുണ്ട്. ഇത്തരത്തിൽ വിപണി കീഴടക്കാൻ Infinix Smart 6 Plus ബജറ്റ് റേഞ്ച് ഫോണുകൾ അവതരിപ്പിച്ചിരിക്കുകയാണ് കമ്പനി. സവിശേഷതകൾ പരിചയപ്പെടാം.

6.82 ഇഞ്ച് എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. മീഡിയടെക് ഹീലിയോ ജി25 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്. 3 ജിബി റാം പ്ലസ് 64 ജിബി ഇന്റേണൽ സ്റ്റോറേജിൽ ഈ സ്മാർട്ട്ഫോൺ വാങ്ങാൻ സാധിക്കുന്നതാണ്. കൂടാതെ, 512 ജിബി മെമ്മറി കാർഡ് ഉപയോഗിച്ച് സ്റ്റോറേജ് വർദ്ധിപ്പിക്കാൻ കഴിയും.

Also Read: 2018ലെ അനുഭവം മുന്നില്‍ കണ്ട് സംസ്ഥാനത്ത് മുന്‍കരുതല്‍ ശക്തമാക്കിയതായി മുഖ്യമന്ത്രി പിണറായി വിജയന്‍

8 മെഗാപിക്സൽ ക്യാമറയാണ് പിന്നിൽ നൽകിയിട്ടുള്ളത്. 5 മെഗാപിക്സലാണ് സെൽഫി ക്യാമറ. 5,000 എംഎഎച്ച് ബാറ്ററി ലൈഫ് കാഴ്ചവയ്ക്കുന്നുണ്ട്. 7,999 രൂപയാണ് ഈ സ്മാർട്ട്ഫോണുകളുടെ വിപണി വില.