തിരുവനന്തപുരം: കനത്തമഴയില്‍ വിഴിഞ്ഞത്ത് വള്ളം മറിഞ്ഞ് മത്സ്യത്തൊഴിലാളി മരിച്ചു. ടീംസണ്‍ (27) ആണ് മരിച്ചത്. കനത്തമഴയെ തുടര്‍ന്ന് തിരുവനന്തപുരം മുതല്‍ ഇടുക്കി വരെയുള്ള ജില്ലകളില്‍ കേന്ദ്ര കാലവസ്ഥ വകുപ്പ് ഇന്ന് റെഡ് അലര്‍ട്ട് ആണ്. കനത്ത മഴയില്‍ ജില്ലയിലെ മലയോര മേഖലയിലെ പല സ്ഥലങ്ങളും വെള്ളത്തിനടിയിലായി. മലയോര മേഖലയില്‍ കനത്ത മഴ ഇപ്പോഴും തുടരുകയാണ്.
പോലീസ്, ഫയര്‍ ഫോഴ്‌സ്, കെ.എസ്.ഇ.ബി ഉദ്യോഗസ്ഥര്‍ എന്നിവരുടെ നേതൃത്വത്തില്‍ പല സ്ഥലങ്ങളിലും രക്ഷാപ്രവര്‍ത്തനം തുടരുകയാണ്. പൊന്മുടി ഉള്‍പ്പെടെയുള്ള ടൂറിസം കേന്ദ്രങ്ങള്‍ താത്കാലികമായി അടച്ചതായി ഡിവിഷണല്‍ ഫോറസ്റ്റ് ഓഫീസര്‍ അറിയിച്ചു.
പൊന്മുടിയില്‍ ഇന്നലെ ഉച്ചയോടെ ആരംഭിച്ച കനത്തമഴയില്‍ ശക്തമായ മലവെള്ളപ്പാച്ചിലുണ്ടായി.
Post Your Comments