ശ്രീ കപാലീശ്വര അഷ്ടകം

॥ ശ്രീ കപാലീശ്വരാഷ്ടകം ॥

കപാലി-നാമധേയകം കലാപി-പുര്യധീശ്വരം
കലാധരാര്‍ധ-ശേഖരം കരീന്ദ്ര-ചര്‍മ-ഭൂഷിതം ।
കൃപാ-രസാര്‍ദ്ര-ലോചനം കുലാചല-പ്രപൂജിതംവ്
കുബേര-മിത്രമൂര്‍ജിതം ഗണേശ-പൂജിതം ഭജേ ॥ 1॥

ഭജേ ഭുജങ്ഗ-ഭൂഷണം ഭവാബ്ധി-ഭീതി-ഭഞ്ജനം
ഭവോദ്ഭവം ഭയാപഹം സുഖപ്രദം സുരേശ്വരം ।
രവീന്ദു-വഹ്നി-ലോചനം രമാ-ധവാര്‍ചിതം വരം
ഹ്യുമാ-ധവം സുമാധവീ-സുഭൂഷിഅതം മഹാഗുരും ॥ 2॥

ഗുരും ഗിരീന്ദ്ര-ധന്വിനം ഗുഹ-പ്രിയം ഗുഹാശയം
ഗിരി-പ്രിയം നഗ-പ്രിയാ-സമന്വിതം വര-പ്രദം ।
സുര-പ്രിയം രവി-പ്രഭം സുരേന്ദ്ര-പൂജിതം പ്രഭും
നരേന്ദ്ര-പീഠ-ദായകം നമാംയഹം മഹേശ്വരം ॥ 3॥

മഹേശ്വരം സുരേശ്വരം ധനേശ്വര-പ്രിയേശ്വരം
വനേശ്വരം വിശുദ്ധ-ചിത്ത വാസിനം പരാത്പരം ।
പ്രമത്തവേഷ-ധാരിണം പ്രകൃഷ്ട-ചിത്സ്വരൂപിണം
വിരുദ്ധ-കര്‍മ-കാരിണം സുശിക്ഷകം സ്മരാംയഹം ॥ 4॥

സ്മരാംയഹം സ്മരാന്തകം മുരാരി-സേവിതാങ്ഘ്രികം
പരാരി-നാശന-ക്ഷമം പുരാരി രൂപിണം ശുഭം ।
സ്പുഅരത്-സഹസ്ര-ഭാനു-തുല്യ തേജസം മഹൌജസം
സു-ചണ്ഡികേശ പൂജിതം മൃഡം സമാശ്രയേ സദാ ॥ 5॥

സദാ പ്രഹൃഷ്ട-രൂപിണം സതാം പ്രഹര്‍ഷ-വര്‍ഷിണം
ഭിദാ വിനാശ-കാരണ പ്രമാണഗോചരം പരം ।
മുദാ പ്രവൃത്ത-നര്‍തനം ജഗത്പവിത്ര-കീര്‍തനം
നിദാനമേകമദ്ഭുതം നിതാന്തമാശ്രയേഹ്യഹം ॥ 6॥

അഹം-മമാദി ദൂഷണം മഹേന്ദ്ര-രത്ന-ഭൂഷണം
മഹാ-വൃഷേന്ദ്ര-വാഹനം ഹ്യഹീന്ദ്ര-ഭൂഷണാന്വിതം ।
വൃഷാകപി-സ്വരൂപിണം മൃഷാ-പദാര്‍ഥ-ധാരിണം
മൃകണ്ഡുസൂനു സംസ്തുതം ഹ്യഭീതിദം നമാമി തം ॥ 7॥

നമാമി തം മഹാമതിം നതേഷ്ടദാന-ചക്ഷണം
നതാര്‍തി-ഭഞ്ജനോദ്യതം നഗേന്ദ്ര-വാസിനം വിഭും ।
അഗേന്ദ്രജാ സമന്വിതം മൃഗേന്ദ്ര വിക്രമാന്വിതം
ഖഗേന്ദ്ര-വാഹന-പ്രിയം സുഖസ്വരൂപമവ്യയം ॥ 8॥

സുകല്‍പകാംബികാ-പതി-പ്രിയംത്വിദം മനോഹരം
സുഗൂഡകാഞ്ചിരാമകൃഷ്ണ യോഗിശിഷ്യ സംസ്തുതം ।
മഹാപ്രദോഷ പുണ്യകാല കീര്‍തനാത്ശുഭപ്രദം
ഭജാമഹേ സദാമുദാ കപാലി മങ്ഗളാഷ്ടകം ॥ 9॥

കപാലി തുഷ്ടിദായകം മഹാപദി പ്രപാലകം
ത്വഭീഷ്ട-സിദ്ധി-ദായകം വിശിഷ്ട-മങ്ഗലാഷ്ടകം ।
പഠേത്സുഭക്തിതഃ കപാലി സന്നിധൌ ക്രമാത്
അവാപ്യ സര്‍വമായുരാദി മോദതേ സുമങ്ഗലം ॥ 10॥

ഇതി ഗൂഡലൂര്‍ ശ്രീരാമകൃഷ്ണാനന്ദ യതീന്ദ്ര ശിഷ്യ
ശ്രീ രാമചന്ദ്രേണ വിരചിതം
॥ ശ്രീ കപാലീശ്വരാഷ്ടകം സമ്പൂര്‍ണം ॥