ഗ്രീവ്സ്: റീട്ടെയിൽ ഓട്ടോ ഇവി മാർട്ട് തിരുവനന്തപുരത്ത് പ്രവർത്തനമാരംഭിച്ചു

തിരുവനന്തപുരം: ഉപഭോക്താക്കൾക്ക് സന്തോഷ വാർത്തയുമായി എത്തിയിരിക്കുകയാണ് ഗ്രീവ്സ് കോട്ടൺ. കമ്പനിയുടെ റീട്ടെയിൽ വിഭാഗമായ ഗ്രീവ്സ് റീട്ടെയിൽ തിരുവനന്തപുരത്താണ് പുതുതായി പ്രവർത്തനം ആരംഭിച്ചിട്ടുള്ളത്. ഗ്രീവ്സിന്റെ മൾട്ടി ബ്രാൻഡ് വൈദ്യുത വാഹന സ്റ്റോറായ ഓട്ടോ ഇവി മാർട്ടാണ് തുറന്നത്.

മോട്ടോർ വാഹന രംഗത്തെ വ്യത്യസ്ഥ തരത്തിലുള്ള വാഹന ശൃംഖലകൾ തന്നെ ഈ സ്റ്റോറിൽ ഒരുക്കിയിട്ടുണ്ട്. ഇരുചക്ര വൈദ്യുത സ്കൂട്ടറുകൾ, മുച്ചക്ര വൈദ്യുത വാഹനങ്ങൾ എന്നിവയ്ക്ക് പുറമേ, വൈദ്യുത സൈക്കിളുകളും ഇവിടെ നിന്നും വാങ്ങാൻ സാധിക്കുന്നതാണ്.

Also Read: സർവ്വ വിഘ്‌നങ്ങളും തീർക്കാൻ ഗണനായക അഷ്ടകം

ശ്രീപത്മനാഭദാസ അവിട്ടം തിരുനാൾ ആദിത്യ വർമ്മയാണ് സ്റ്റോറിന്റെ ഉദ്ഘാടനം നിർവഹിച്ചത്. സ്റ്റോറിൽ 14 മുൻനിര ഇലക്ട്രിക് വാഹന ബ്രാൻഡുകളിൽ നിന്നുള്ള വൈദ്യുത വാഹനങ്ങളുടെ വിതരണം ഉണ്ടായിരിക്കുന്നതാണ്.