യാത്രകൾ ഇഷ്ടപ്പെടുന്നവർക്കായി പുത്തൻ പാക്കേജ് അവതരിപ്പിച്ചിരിക്കുകയാണ് ഇന്ത്യൻ റെയിൽവേ കാറ്ററിംഗ് ആന്റ് ടൂറിസം കോർപ്പറേഷൻ (ഐആർസിടിസി). ഹിമാലയത്തിലെ നാല് പുണ്യ സ്ഥലങ്ങൾ കോർത്തിണക്കിയുള്ള ചാർധാം വിമാന യാത്രയാണ് അവതരിപ്പിക്കുന്നത്. 12 ദിവസം നീളുന്ന ഈ പാക്കേജ് ജൂലൈ 18 നാണ് യാത്ര പുറപ്പെടുന്നത്.
ചാർധാം യാത്രയിൽ ഉത്തരാഖണ്ഡിലെ പ്രധാന തീർത്ഥാടന കേന്ദ്രമായ ബദരീനാഥ്, കേദാർനാഥ്, ഗംഗോത്രി, യമുനോത്രി എന്നീ സ്ഥലങ്ങൾ സന്ദർശിക്കും. കൂടാതെ, ഹിമാലയത്തിലെ മനോഹര പ്രദേശങ്ങൾ സന്ദർശിക്കാനുള്ള അവസരവും ഒരുക്കിയിട്ടുണ്ട്.
Also Read: വിദേശ നാണയ ശേഖരം: 3,030 കോടി ഡോളറിന്റെ വർദ്ധനവ്
തിരുവനന്തപുരത്തു നിന്നും ആരംഭിക്കുന്ന പാക്കേജിൽ ഡൽഹിയിലേക്കുള്ള വിമാന യാത്ര, റോഡ് യാത്രയ്ക്ക് വാഹനം, ഹോട്ടലുകളിൽ പ്രഭാത ഭക്ഷണവും അത്താഴവും, താമസ സൗകര്യം, യാത്ര ഇൻഷുറൻസ്, ടൂർ മാനേജരുടെ സേവനം എന്നിവ ഉൾപ്പെടുത്തിയിട്ടുണ്ട്.
Post Your Comments