നടനും യുട്യൂബറുമായ വജ്ര സതീഷിനെ കുത്തേറ്റ നിലയിൽ കണ്ടെത്തി

ബെംഗളൂരു: കന്നഡ നടനും യുട്യൂബറുമായ വജ്ര സതീഷിനെ(36) മരിച്ച നിലയിൽ കണ്ടെത്തി. ബെംഗളൂരുവിലെ ആർ.ആർ നഗർ പട്ടണഗെരെ വീട്ടിൽ കുത്തേറ്റ് മരിച്ച നിലയിലാണ് വജ്ര സതീഷിനെ കണ്ടെത്തിയത്. സംഭവത്തിൽ, സതീശിൻ്റെ ഭാര്യാ സഹോദരൻ സുദർശൻ ഉൾപ്പടെ രണ്ടു പേരെ പൊലീസ് അറസ്റ്റ് ചെയ്തു. വയറ്റിലും കഴുത്തിലും കുത്തേറ്റ നിലയിൽ ആയിരുന്നു സതീഷിൻ്റെ മൃതദേഹം.

Read Also: അഗ്നിപഥ് വിരുദ്ധ കലാപം ആസൂത്രിതം : കേന്ദ്ര റിപ്പോര്‍ട്ട്

എന്നാൽ, സതീഷിൻ്റെ ഭാര്യ ഏഴ് മാസം മുൻപാണ് മരിച്ചത്. കൃത്യ സമയത്ത് ചികിത്സ നൽകാതിരുന്നതാണ് മരണത്തിന് കാരണമായതെന്ന് ഭാര്യയുടെ വീട്ടുകാർ ആരോപിച്ചിരുന്നതായി പൊലീസ് പറഞ്ഞു. ഇക്കാരണത്താൽ സുദർശൻ സതീഷിനെ കൊലപ്പെടുത്താൻ തീരുമാനിക്കുകയായിരുന്നു. സുഹൃത്തായ നാഗേന്ദ്രയെയും സഹായത്തിന് കൂട്ടി സതീഷിനെ കൊലപ്പെടുത്തുകയായിരുന്നു എന്ന് പൊലീസിന്റെ പ്രാഥമിക നിഗമനം. ‘ലഗോരി’ ഉൾപ്പടെയുള്ള ചിത്രങ്ങളിൽ സതീഷ് അഭിനയിച്ചിട്ടുണ്ട്.