ആലപ്പുഴ: ലഹരിമരുന്ന് കേസില്‍ ജാമ്യം കിട്ടിയതിന്, കോടതി വളപ്പില്‍ ഗുണ്ടകൾ കേക്ക് മുറിച്ച് ആഘോഷിച്ചു. ജാമ്യം കിട്ടിയതിന്റെ സന്തോഷം ഗുണ്ടകൾ ആഘോഷിക്കുന്നതിന്റെ ദൃശ്യങ്ങള്‍ പുറത്തുവന്നു. കഴിഞ്ഞ ദിവസം ലഹരി മരുന്ന് കേസിൽ അ‌റസ്റ്റിലായ മരട് അനീഷും കൂട്ടാളികളുമാണ് ആലപ്പുഴ കോടതി വളപ്പില്‍ ആഘോഷം നടത്തിയത്. ഹൗസ്‌ബോട്ടില്‍ ലഹരി മരുന്നുമായി പിടിയിലായ ഇവര്‍ക്ക് ബുധനാഴ്ചയാണ് ജാമ്യം ലഭിച്ചത്.
എം.ഡി.എം.എയുമായാണ് മരട് അനീഷും സംഘവും പിടിയിലായത്. പുന്നമടയില്‍ ഹൗസ് ബോട്ടില്‍ സുഹൃത്തിന്റെ ജന്മദിനം ആഘോഷിക്കുന്നതിനിടെയാണ് അറസ്റ്റിലായത്. മരട് അനീഷിനെതിരെ സംസ്ഥാനത്തിനകത്തും പുറത്തുമായി നിരവധി ക്രിമിനല്‍ കേസുകളുണ്ട്. കൊലപാതക കേസുകളിലും കവര്‍ച്ച കേസുകളിലും പ്രതിയാണ് മരട് അനീഷ്.
Post Your Comments