ശരീരത്തിലെ കൊഴുപ്പൊഴിവാക്കി വണ്ണം കുറയ്ക്കാനുള്ള ചില പാനീയങ്ങള്‍ വീട്ടില്‍ തന്നെ ഉണ്ടാക്കാം. കോള തുടങ്ങിയ പാനീയങ്ങള്‍ ഉപയോഗിക്കുന്നതിന് പകരം ഇവ ഉപയോഗിച്ചു നോക്കൂ. വണ്ണവും കുറയും, ആരോഗ്യത്തിന് നല്ലതുമാണ്.
ചെറുചൂടുവെള്ളത്തില്‍ അല്‍പ്പം നാരങ്ങാനീര് ചേര്‍ത്ത് ഓരോ തവണ ഭക്ഷണം കഴിച്ചു കഴിയുമ്പോഴും കുടിച്ചു നോക്കൂ. സ്വാഭാവിക രീതിയില്‍ വണ്ണം കുറഞ്ഞു കിട്ടും. വെറും വയറ്റില്‍ ഈ പാനീയം കുടിയ്ക്കുന്നതും നല്ലതാണ്.
ചൂടുവെള്ളത്തില്‍ ഒന്നോ രണ്ടോ തുള്ളി തേനൊഴിച്ചു കുടിയ്ക്കുന്നത് വണ്ണം കുറയുവാന്‍ മാത്രമല്ല, ശരീരത്തിലെ അപചയ പ്രവര്‍ത്തനങ്ങള്‍ ശരിയായി നടക്കുവാനും നല്ലതാണ്. തേനിലെ അമിനോ ആസിഡ്, പ്രോട്ടീന്‍, ധാതുക്കള്‍ എന്നിവയാണ് വണ്ണം കൂട്ടാതെ സഹായിക്കുന്നത്.
ചായ, കാപ്പി എന്നിവ പതിവുള്ളവര്‍ ഇതിന് പകരം ഗ്രീന്‍ ടീ ഉപയോഗിക്കുന്നതാണ് നല്ലത്. ശരീരത്തിലെ വിഷാംശങ്ങള്‍ പുറത്തുതള്ളാനും മുടികൊഴിച്ചില്‍ തടയാനും ചര്‍മ്മത്തിളക്കത്തിനും ഗ്രീന്‍ ടീ നല്ലതാണ്.
Post Your Comments