എൻകൗണ്ടർ വിജയകരം: അമ്രീൻ ഭട്ടിനെ വധിച്ച ഭീകരരെ കൊന്നുതള്ളി സൈന്യം

കശ്‍മീർ: ജമ്മു കശ്മീരിൽ, സൈന്യവുമായുള്ള ഏറ്റുമുട്ടലിൽ ലഷ്കർ ഇ ത്വയ്ബ ഭീകരർ കൊല്ലപ്പെട്ടു. ദക്ഷിണ കശ്മീരിലെ പുൽവാമ ജില്ലയിൽ, അവന്തിപൊര മേഖലയിലാണ് ഏറ്റുമുട്ടൽ നടന്നത്.

കശ്‍മീരിലെ പ്രമുഖ ടിവി താരമായ അമ്രീൻ ഭട്ട്, ബുധനാഴ്ച കൊല്ലപ്പെട്ടിരുന്നു. ഇവരെ ഭീകരർ വീടിനകത്തു കയറിയാണ് വെടിവെച്ചു കൊന്നത്. അമ്രീന്റെ കൊലപാതകികളെയാണ് സൈന്യം വധിച്ചതെന്ന് ഇൻസ്പെക്ടർ ജനറൽ വിജയകുമാർ വ്യക്തമാക്കി. ഭീകരർ കീഴടങ്ങാൻ തയ്യാറാവാതെ സൈന്യത്തിന് നേരെ വെടിയുതിർത്തതിനാൽ നടന്ന രൂക്ഷമായ ഏറ്റുമുട്ടലിലാണ് ഭീകരർ കൊല്ലപ്പെട്ടത്.

കശ്മീരിൽ സൈന്യം ഭീകരവേട്ട തുടരുകയാണ്. ഈ വർഷം നടക്കുന്ന 51മത്തെ ഏറ്റുമുട്ടലാണ് ഇത്. കഴിഞ്ഞ 50 ഏറ്റുമുട്ടലുകളിൽ, 78 ഭീകരരെ വധിക്കാൻ സൈന്യത്തിന് കഴിഞ്ഞിട്ടുണ്ട്. കൊല്ലപ്പെട്ട ഭീകരരിൽ 25 പേർ പാകിസ്ഥാനി പൗരന്മാരാണ്. ഏറ്റുമുട്ടലിൽ, 16 സുരക്ഷാ ഉദ്യോഗസ്ഥരും വീരമൃത്യു വരിച്ചിട്ടുണ്ട്