തുമ്മൽ നിർത്താൻ ഈ വീട്ടുവൈദ്യങ്ങൾ പരീക്ഷിക്കാം!

ജലദോഷമോ അല്ലെങ്കിൽ ചില പ്രത്യേക വാസനകളോടുള്ള പെട്ടെന്നുള്ള അലർജിയോ ആകട്ടെ, ഒരു ചെറിയ കാരണം പോലും നിങ്ങളെ ഇടയ്ക്കിടെ തുമ്മുന്നതിന് പ്രേരിപ്പിക്കുന്നു. ഇത് ഒഴിവാക്കാനാവാത്തതും വലിയ അസ്വസ്ഥതയുണ്ടാക്കുന്നതുമാണ്. എന്നാൽ, തുമ്മൽ ആശങ്കപ്പെടേണ്ട ഒന്നല്ലെന്ന് നമുക്കെല്ലാവർക്കും അറിയാം. സാധാരണയായി അത് തന്നെ കുറയും. എന്നിരുന്നാലും ഈ അവസ്ഥ തുടരുകയാണെങ്കിൽ, ഈ വീട്ടുവൈദ്യങ്ങൾ പരീക്ഷിക്കുക..

ഇഞ്ചി

ഇഞ്ചിയിൽ ആന്റി സെപ്റ്റിക് ഗുണങ്ങളുണ്ട്. ഇത് ജലദോഷം മൂലമുണ്ടാകുന്ന കഫക്കെട്ട് കുറയ്ക്കാൻ സഹായിക്കുന്നു. കഫം കുറയുമ്പോൾ, തുമ്മൽ കുറയുന്നു. നിങ്ങളുടെ ചായയിൽ ഇഞ്ചി ചേർത്ത് കുടിക്കാം. നിങ്ങൾക്ക് സ്ഥിരമായി തുമ്മലുണ്ടങ്കിൽ ഇഞ്ചിയും തേനും ചൂടുവെള്ളവും ചേർത്ത് രാത്രി ഉറങ്ങുന്നതിന് മുമ്പ് കുടിക്കാം.

തുളസി

നിരന്തരമായ തുമ്മൽ മൂക്കൊലിപ്പ്, വീക്കം എന്നിവ കുറയ്ക്കാൻ തുളസിയിലെ ആന്റി ഓക്‌സസിഡന്റുകൾ സഹായിക്കുന്നു. നിങ്ങളുടെ ചായയിൽ തുളസി ചേർക്കാം, അല്ലെങ്കിൽ തുളസി ഇലകൾ ചവയ്ക്കുക, അല്ലെങ്കിൽ തുളസിയിൽ നിന്ന് എണ്ണ വേർതിരിച്ചെടുത്ത് ഉപയോഗിക്കാം. ഇവയെല്ലാം തുമ്മൽ സാധ്യത കുറയ്ക്കാൻ സഹായിക്കും.

സിട്രസ് പഴങ്ങൾ

ഓറഞ്ച്, നാരങ്ങ, മധുര നാരങ്ങ എന്നിവ സിട്രസ് പഴങ്ങളാണ്. ഈ പഴങ്ങളിൽ ഫ്ലേവനോയ്ഡുകൾ എന്നറിയപ്പെടുന്ന സസ്യ രാസവസ്തുക്കൾ അടങ്ങിയിരിക്കുന്നു. അനാവശ്യ ബാക്ടീരിയകളോട് പോരാടാനും ശരീരത്തിന്റെ രോഗപ്രതിരോധ ശേഷി ശക്തിപ്പെടുത്താനും സഹായിക്കുന്ന ശക്തമായ ആന്റി ഓക്സിഡന്റാണ് ഫ്ലേവനോയ്ഡ്. ഈ പഴങ്ങൾ ദിവസവും കഴിക്കുന്നത് ശരീരത്തിലെ ജലദോഷത്തിന്റെയും മറ്റ് അലർജികളുടെയും ദോഷ ഫലങ്ങൾ കുറയ്ക്കാൻ സഹായിക്കും.

Read Also:- ചര്‍മ്മത്തിലെ ദൃഢത നിലനിര്‍ത്താനും ചര്‍മ്മം തൂങ്ങാതിരിക്കാനും

കറുത്ത ഏലയ്ക്ക

തുമ്മലിന് വളരെ സാധാരണമായ കാരണം കഫം പുറത്തേക്ക് പോകുന്നത് നേരിടുന്ന തടസ്സമാണ്. കഫം പുറത്തേക്ക് ഒഴുകുന്നത് നിയന്ത്രിക്കുകയാണെങ്കിൽ തലച്ചോറ് തുമ്മലിനോട് പ്രതികരിക്കും. രണ്ടോ മൂന്നോ കറുത്ത ഏലയ്ക്ക കഴിക്കുന്നത് തുമ്മലിൽ നിന്ന് മുക്തി നേടാൻ നിങ്ങളെ സഹായിക്കും.