കനൗജ്: യുപി മുഖ്യമന്ത്രി യോഗി ആദിത്യനാഥിനെ പുകഴ്ത്തി ബി.ജെ.പി നേതാവ് സാക്ഷി മഹാരാജ്. യോഗിയുടെ ആയുധം ബുൾഡോസറാണ് എന്നാണ് സാക്ഷി മഹാരാജ് പറഞ്ഞത്.
‘ഭഗവാൻ ശ്രീരാമന് ധനുസ്സാണ് ആയുധം, ഭഗവാൻ ശ്രീകൃഷ്ണനാവട്ടെ സുദർശനചക്രവും. അതുപോലെ ബാബയ്ക്ക് (യോഗി ആദിത്യനാഥ്) ആയുധം ബുൾഡോസർ ആണ്. ഉത്തർ പ്രദേശിലെ ഭൂമാഫിയയ്ക്ക് നേരെ അദ്ദേഹം അത് ഫലപ്രദമായി പ്രയോഗിക്കുന്നുണ്ട്’ സാക്ഷി മഹാരാജ് മാധ്യമങ്ങളോട് വെളിപ്പെടുത്തി.
സർക്കാർ ഭൂമി കയ്യേറി അനധികൃതമായി നിർമ്മിച്ച കെട്ടിടങ്ങളെല്ലാം ഇനിയും പൊളിച്ചു മാറ്റുമെന്നും അദ്ദേഹം പറഞ്ഞു. ബിജെപി പാർലമെന്റ് അംഗമായ സാക്ഷി മഹാരാജ് വിവാദ പ്രസ്താവനകൾ കൊണ്ട് സ്ഥിരം ശ്രദ്ധാകേന്ദ്രമാണ്. ഉന്നാവോ മണ്ഡലത്തിൽ നിന്നുള്ള എംപി ആയ ഇദ്ദേഹം, 2014ന് ശേഷം രണ്ടുവട്ടം ഇവിടെ മത്സരിച്ച് വിജയിച്ചിരുന്നു.
Post Your Comments