കൊല്ലൂരില്‍ വാഴും കാര്‍ത്യായനി
കര്‍മ‍മപദങ്ങളില്‍ കാലിടറുമ്പോള്‍
കാരുണ്യവാരിധി കാത്തിടേണേ
കൈപിടിച്ചേന്നെ തുണച്ചിടേണേ
സൌപര്‍ണികാ തീര്‍ത്ഥത്തില്‍ മുങ്ങിടുമ്പോള്‍
സകലപാപങ്ങളും അലിഞ്ഞിടുമ്പോള്‍
സന്താപനാശിനി അംബികേ
സരസ്വതിദേവി നമിച്ചിടുന്നു
കുടചാദ്രിയില്‍ കുടികൊള്ളും
കാരുണ്യമൂര്‍തേ ഭഗവതി
സത്യസ്വരൂപിണി സരസ്വതി
സര്‍വ്വം സഹയായ അമ്മേ നാരായണി
അടിയങ്ങള്‍ക്കാശ്രയം ഏകിടേണേ
അറിവിന്‍ ത്രിമധുരം നല്‍കിടേണേ
ആലസ്യം എല്ലാം അകറ്റിടേണേ
അരുമയായ് ഞങ്ങളെ കാത്തിടേണേ
ശങ്കരന്നു തുണയായ്‌ നടന്ന ദേവി
ശങ്കകള്‍ എന്നും നീ മായ്ക്കുകില്ലെ
ശാസ്ത്രങ്ങള്‍ ഓതി തരുകയില്ലെ
ശക്തിസ്വരുപിണി നാരായണി
കവിത്വമെന്നില്‍ കനിഞ്ഞിടേണേ
വികടത്വമെന്നും ഹനിച്ചിടേണേ
അറിവിന്‍ അമരത്വമേകിടേണേ
കാരുണ്യം എന്നില്‍ ചൊരിഞ്ഞിടേണേ
സത്യസ്വരുപിണി മൂകാംബികേ
സര്‍വ്വമംഗളദായിനി സരസ്വതി
സര്‍വാര്‍ത്ഥസാധികേ ഭഗവതി
അമ്മേ നാരായണി നമസ്തുതേ
Post Your Comments