വിദേശ മദ്യ വേട്ട: രണ്ട് പേർ പിടിയിൽ

മയ്യിൽ: അനധികൃതമായ അളവിൽ വിദേശ മദ്യവും ബിയറും കൈവശം വച്ചതിന് രണ്ട് പേർ പിടിയിൽ. പാടിക്കുന്നിൽ വച്ചാണ് എക്സൈസ് സംഘം മദ്യം പിടികൂടിയത്. കുടിയാന്മല നടുവിൽ സ്വദേശി കെ.എസ് സാബു (42), സന്തോഷ് എൻ (41) എന്നിവരെയാണ് അ‌റസ്റ്റ് ചെയ്തത്.

21 ലിറ്റർ ഇന്ത്യൻ നിർമിത വിദേശ മദ്യം ഓട്ടോറിക്ഷയിൽ കടത്തി കൊണ്ടുവന്ന കുറ്റത്തിന് സാബുവിന്റെയും അനുവദിനീയമായ അളവിൽ കൂടുതൽ ബിയർ കൈവശം വെച്ച കുറ്റത്തിന് സന്തോഷിന്റെയും പേരിൽ അ‌ബ്കാരി നിയമപ്രകാരം കേസെടുത്തു. ഓട്ടോയും മദ്യവും കസ്റ്റഡിയിലെടുത്തു.

എക്സൈസ് പ്രിവന്റീവ് ഓഫീസർ അഷറഫ് എം.വിയും സംഘവും മയ്യിൽ – പാടിക്കുന്ന് ഭാഗങ്ങളിൽ നടത്തിയ പട്രോളിങ്ങിലാണ് ഇവർ പിടിയിലായത്. പരിശോധനയിൽ സിവിൽ എക്സൈസ് ഓഫീസർമാരായ വിനേഷ് ടി.വി, വിനീത് പി.ആർ എന്നിവരും ഉണ്ടായിരുന്നു.