പൂന്തുറ : പതിനാറുകാരിയെ കാറിനുള്ളിൽവെച്ച് പീഡിപ്പിക്കാൻ ശ്രമിച്ച കേസിൽ ബീമാപള്ളി സ്വദേശി ഷാജി (52) യെ പൂന്തുറ പോലീസ് അറസ്റ്റുചെയ്തു. കഴിഞ്ഞ മാസമാണ് പെണ്‍കുട്ടി വീട്ടിൽനിന്ന് പിണങ്ങിയിറങ്ങിയത്.
Also Read : ചെമ്പു പാത്രം മോഷണം പോയി: ഉരുട്ടിക്കൊണ്ടു പോകുന്നത് സി.സി.ടി.വിയിൽ
ബീമാപള്ളിയിൽ കഴിയുകയായിരുന്ന വിദ്യാർത്ഥിനിയോട് ഷാജി വിവരങ്ങൾ ചോദിച്ചറിഞ്ഞ ശേഷം വീട്ടിൽ കൊണ്ടുവിടാമെന്ന് പറഞ്ഞു. തുടർന്ന്, ആഭ്യന്തര വിമാനത്താവളത്തിനടുത്തുള്ള ലോഡ്ജിനടുത്ത് കാർ നിർത്തി പുറത്തിറങ്ങാനാവശ്യപ്പെട്ടു. അപകടം മനസ്സിലാക്കിയ വിദ്യാർത്ഥിനി ഇറങ്ങിയോടാൻ ശ്രമിച്ചപ്പോൾ കാറിനുള്ളിൽവെച്ച് ഇയാൾ ശരീരത്തിൽ കയറിപ്പിടിച്ചു.
അവിടെ നിന്നും ഓടി രക്ഷപ്പെട്ട വിദ്യാർത്ഥിനി ചവറയിലുള്ള കൂട്ടുകാരിയുടെ വീട്ടിലെത്തി. ശാസ്താംകോട്ട പോലീസിൽ വിവരമറിയിച്ചതിനെത്തുടർന്ന്, പോലീസ് രക്ഷിതാക്കളെ വിളിച്ചുവരുത്തി പെൺകുട്ടിയെ കൈമാറി. പൂന്തുറ പോലീസാണ് പ്രതിയായ ഷാജിയെ അറസ്റ്റ് ചെയ്തത്.
Post Your Comments