ദുര്‍ഗാഷ്ടകം

ദുര്‍ഗേ പരേശി ശുഭദേശി പരാത്പരേശി
വന്ദ്യേ മഹേശദയിതേ കരൂണാര്‍ണവേശി
സ്തുത്യേ സ്വധേ സകലതാപഹരേ സുരേശി
കൃഷ്ണസ്തുതേ കുരു കൃപാം ലലിതേഖിലേശി

ദിവ്യേനുതേ ശ്രുതിശതൈര്‍വിമലേ ഭവേശി
കന്ദര്‍പദാരാശതസുന്ദരി മാധവേശി ।
മേധേ ഗിരീശതനയേ നിയതേ ശിവേശി
കൃഷ്ണസ്തുതേ കുരു കൃപാം ലലിതേഖിലേശി

രാസേശ്വരി പ്രണതതാപഹരേ കുലേശി
ധര്‍മപ്രിയേ ഭയഹരേ വരദാഗ്രഗേശി ।
വാഗ്ദേവതേ വിധിനുതേ കമലാസനേശി
കൃഷ്ണസ്തുതേകുരു കൃപാം ലലിതേഖിലേശി

പൂജ്യേ മഹാവൃഷഭവാഹിനി മംഗലേശി
പദ്മേ ദിഗംബരി മഹേശ്വരി കാനനേശി
രംയേധരേ സകലദേവനുതേ ഗയേശി
കൃഷ്ണസ്തുതേ കുരു കൃപാം ലലിതേഖിലേശി

ശ്രദ്ധേ സുരാഽസുരനുതേ സകലേ ജലേശി
ഗംഗേ ഗിരീശദയിതേ ഗണനായകേശി ।
ദക്ഷേ സ്മശാനനിലയേ സുരനായകേശി
കൃഷ്ണസ്തുതേ കുരു കൃപാം ലലിതേഖിലേശി

താരേ കൃപാര്‍ദ്രനയനേ മധുകൈടഭേശി
വിദ്യേശ്വരേശ്വരി യമേ നിഖലാക്ഷരേശി ।
ഊര്‍ജേ ചതുഃസ്തനി സനാതനി മുക്തകേശി
കൃഷ്ണസ്തുതേ കുരു കൃപാം ലലിതഖിലേശി

മോക്ഷേഽസ്ഥിരേ ത്രിപുരസുന്ദരിപാടലേശി
മാഹേശ്വരി ത്രിനയനേ പ്രബലേ മഖേശി
തൃഷ്ണേ തരംഗിണി ബലേ ഗതിദേ ധ്രുവേശി
കൃഷ്ണസ്തുതേ കുരു കൃപാം ലലിതേഖിലേശി

വിശ്വംഭരേ സകലദേ വിദിതേ ജയേശി
വിന്ധ്യസ്ഥിതേ ശശിമുഖി ക്ഷണദേ ദയേശി
മാതഃ സരോജനയനേ രസികേ സ്മരേശി
കൃഷ്ണസ്തുതേ കുരു കൃപാം ലലിതേഖിലേശി

ദുര്‍ഗാഷ്ടകം പഠതി യഃ പ്രയതഃ പ്രഭാതേ
സര്‍വാര്‍ഥദം ഹരിഹരാദിനുതാം വരേണ്യാം ।
ദുര്‍ഗാം സുപൂജ്യ മഹിതാം വിവിധോപചാരൈഃ
പ്രാപ്നോതി വാംഛിതഫലം ന ചിരാന്‍മനുഷ്യഃ

ഇതി ശ്രീ മത്പരമഹംസപരിവ്രാജകാചാര്യ
ശ്രീമദുത്തരാംനായജ്യോതിഷ്പീഠാധീശ്വരജഗദ്ഗുരൂ-ശംകരാചാര്യ-സ്വാമി-

ശ്രീശാന്താനന്ദ സരസ്വതീ ശിഷ്യ-സ്വാമി ശ്രീ മദനന്താനന്ദ-സരസ്വതി
വിരചിതം ശ്രീ ദുര്‍ഗാഷ്ടകം സമ്പൂര്‍ണം