കൊച്ചി: പെരുമ്പാവൂര്‍ കണ്ടന്തറയില്‍ ആസാം സ്വദേശിനിയായ വീട്ടമ്മ കൊല്ലപ്പെട്ട നിലയിൽ. വെട്ടേറ്റ് മരിച്ച നിലയിലാണ് വീട്ടമ്മയെ കണ്ടെത്തിയത്. പെരുമ്പാവൂരിലെ പ്ലൈവുഡ് കമ്പനി തൊഴിലാളിയായ ആസം സ്വദേശി ഫക്രൂദീന്‍റെ ഭാര്യ ഖാലിദ ഖാത്തൂനാണ് മരിച്ചത്. ഇന്നലെ രാത്രിയാണ് സംഭവം.
ഖാലിദ വെട്ടേറ്റ് കിടക്കുന്നത് കണ്ട മകന്‍ നാട്ടുകാരെയും പൊലിസിനെയും വിവരം അറിയിക്കുകയായിരുന്നു. കൊല നടത്തിയത് ഇവരുടെ ഭർത്താവാണോയെന്ന സംശയത്തില്‍, പൊലീസ് അന്വേഷണം ആരംഭിച്ചിട്ടുണ്ട്. പെരുമ്പാവൂര്‍ പൊലീസ് ആണ് അന്വേഷണം നടത്തുന്നത്. അതേസമയം, ഖാലിദയുടെ ഭര്‍ത്താവ് ഫക്രൂദീന്‍ ഒളിവിലാണ്.
Post Your Comments