റഷ്യയില്‍ കോണ്ടം വില്‍പ്പന കുതിച്ചുയരുന്നു

മോസ്‌കോ: റഷ്യ-യുക്രെയ്ന്‍ യുദ്ധത്തെ തുടര്‍ന്ന്, റഷ്യയില്‍ കോണ്ടം വില്‍പ്പന കുതിച്ചുയര്‍ന്നു. കോണ്ടം വില്‍പ്പന 170 ശതമാനം ഉയര്‍ന്നതായാണ് കണക്ക്. കഴിഞ്ഞ വര്‍ഷം മാര്‍ച്ചിലെ കോണ്ടം വില്‍പ്പനയുമായി താരതമ്യപ്പെടുത്തിയപ്പോഴാണ് ഇത്തവണ 170 ശതമാനത്തിന്റെ വര്‍ധനവ് രേഖപ്പെടുത്തിയത്.

Read Also : അഞ്ച് വര്‍ഷത്തിനിടെ സംഘടനയിൽ ചേർന്നത് അഞ്ച് ലക്ഷത്തിലധികം യുവാക്കള്‍: വ്യക്തമാക്കി ആര്‍എസ്എസ്

ആര്‍ബിസിയുടെ കണക്ക് പ്രകാരം, ഏപ്രില്‍ ആദ്യം മുതല്‍ കോണ്ടം വില 15% വര്‍ദ്ധിക്കുമെന്ന് നിര്‍മ്മാതാക്കള്‍ സ്റ്റോറുകളെ അറിയിച്ചിരുന്നു. മാര്‍ച്ച് ആദ്യ പകുതിയില്‍ കോണ്ടം വില്‍പ്പന 33% ഉയര്‍ന്നു. അതേ സമയം, 2022 മാര്‍ച്ച് 1 മുതല്‍ മാര്‍ച്ച് 14,വരെ കോണ്ടം വില്‍പ്പന പ്രതിവര്‍ഷം 170% വര്‍ദ്ധിക്കുകയായിരുന്നു.

ഒമ്പത് ആഴ്ചകള്‍ക്കുള്ളില്‍ റഷ്യയില്‍ 1.3 ബില്യണ്‍ റുബിളുകള്‍ വിലമതിക്കുന്ന 4 ദശലക്ഷം കോണ്ടം പാക്കറ്റുകളാണ് വിറ്റഴിഞ്ഞത്. റഷ്യയിലെ ഏറ്റവും വലിയ ഓണ്‍ലൈണ്‍ വ്യാപാരസ്ഥാപനമായ വൈല്‍ഡ്‌ബെരീസാണ് ഇക്കാര്യം വ്യക്തമാക്കുന്നത്.

യുക്രെയ്ന്‍ അധിനിവേശത്തെ തുടര്‍ന്ന്, ഫാര്‍മസി മേഖലയില്‍ റഷ്യയില്‍ ഉല്‍പ്പന്നങ്ങള്‍ക്ക് വിലകുതിക്കുകയാണ്. ഈ സാഹചര്യത്തിലാണ് കോണ്ടം വ്യാപാരം ശക്തമായി നടക്കുന്നത്. ഒരുവര്‍ഷം 600 മില്യണ്‍ കോണ്ടമാണ് റഷ്യയില്‍ ഇറക്കുമതി ചെയ്യുന്നത്. കോണ്ടത്തിന് വില ഉയരാനും ലഭ്യത കുറവ് ഉണ്ടാകാനും സാധ്യതയുണ്ട്. അതിനാലാണ് പലരും കോണ്ടം കെട്ടുകണക്കിനു വാങ്ങിച്ചുവച്ചിരിക്കുന്നന്നതെന്നാണ് റിപ്പോര്‍ട്ട്