കങ്ങഴ: ഒരേക്കറോളം സ്ഥലത്തെ അഞ്ഞൂറോളം കപ്പക്കൃഷി തീയിട്ട് നശിപ്പിച്ചതായി പരാതി. കങ്ങഴ ഒറ്റത്തെങ്ങിൽവീട്ടിൽ ഇസ്മായിലിന്‍റെ കൃഷിയാണ് കത്തിനശിച്ചത്. പാട്ടത്തിനെടുത്ത് കൃഷി ചെയ്ത സ്ഥലത്തെ അഞ്ഞൂറിലേറെ മൂട് കപ്പയാണ് കത്തിച്ചത്.
അഞ്ചാനി തൂപ്പനാമല വിജയന്‍റെ ഒരേക്കറോളം സ്ഥലത്താണ് ഇസ്മായിൽ കൃഷി ചെയ്തിരുന്നത്. 1500 മൂട് കപ്പയാണ് കൃഷി ചെയ്തിരുന്നത്. ഇതിൽ 1000 മൂട് ഇസ്മായിൽ നേരത്തെ വിറ്റിരുന്നു. പറിക്കാനായി നിർത്തിയിരുന്ന പാകമായ കപ്പയാണ് കഴിഞ്ഞദിവസം ആരോ തീയിട്ട് നശിപ്പിച്ചത്.
ഈ സ്ഥലം മറ്റൊരാൾക്കു പാട്ടത്തിന് നൽകിയെന്നും അയാളാണ് കൃഷിയിടത്തിൽ തീയിട്ടതെന്നും ഇസ്മായിൽ ആരോപിക്കുന്നു. കൂടാതെ ആയിരം കിലോയോളം കപ്പ ഇയാൾ പറിച്ച് വിറ്റതായും പറയുന്നു.
സംഭവവുമായി ബന്ധപ്പെട്ട് ഇസ്മായിൽ നൽകിയ പരാതിയുടെ അടിസ്ഥാനത്തിൽ കറുകച്ചാൽ പൊലീസ് കേസെടുത്ത് അന്വേഷണം ആരംഭിച്ചു.
Post Your Comments