തിരുവനന്തപുരം: രാജ്യത്ത് ഹിജാബ് വിവാദം രൂക്ഷമാകുന്ന സാഹചര്യത്തിൽ പ്രതികരണവുമായി ബിജെപി വക്താവ് സന്ദീപ് വാര്യർ. സൗദി അറേബ്യയുടെ വനിതാ ഫുട്ബോൾ ടീം അവരുടെ ആദ്യ അന്താരാഷ്ട്ര മത്സരത്തിന്റെ ചിത്രം പങ്കുവെച്ചാണ് സന്ദീപ് വാര്യർ രംഗത്ത് എത്തിയത്. ചിത്രം നൽകുന്ന സന്ദേശം വളരെ വലുതാണെന്നും തീവ്ര മുസ്ലിം സംഘടനകളും അവരെ പിന്തുണക്കുന്ന കോൺഗ്രസ്സും സിപിഎമ്മും ചേർന്ന് ഇന്ത്യയിലെ മുസ്ലിം സ്ത്രീകളെ ചാക്കിൽ മൂടിപ്പൊതിയാൻ ശ്രമിക്കുന്ന കാലത്താണ് വിശുദ്ധ ഗേഹങ്ങളുടെ സംരക്ഷകരായ സൗദി അറേബ്യ സ്ത്രീ വിമോചനം സാധ്യമാക്കുന്നതെന്നും അദ്ദേഹം തന്റെ ഫേയ്‌സ്‌ബുക്ക് കുറിപ്പിലൂടെ വ്യക്തമാക്കി.
Read Also: സ്‌കൂളിൽ യൂണിഫോം നിർബന്ധമാക്കണമെന്ന് പറഞ്ഞതിന് ശേഷം നിരന്തരം വധഭീഷണി: ഹർഷയുടെ കൊലപാതകത്തിന് പിന്നിൽ?
ഫേസ്‌ബുക്ക് കുറിപ്പിന്റെ പൂർണ രൂപം:
ഈ ചിത്രം നൽകുന്ന സന്ദേശം വളരെ വലുതാണ് . സൗദി അറേബ്യയുടെ വനിതാ ഫുട്ബോൾ ടീം അവരുടെ ആദ്യ അന്താരാഷ്ട്ര മത്സരത്തിൽ സീഷെൽസിനെ 2 -0 ത്തിന് പരാജയപ്പെടുത്തി പച്ച ജഴ്‌സിയിൽ കുതിച്ചു പായുന്ന സൗദി വനിതാ ഫുട്‍ബോളറെ ചിത്രത്തിൽ കാണാം . തീവ്ര മുസ്ലിം സംഘടനകളും അവരെ പിന്തുണക്കുന്ന കോൺഗ്രസ്സും സിപിഎമ്മും ചേർന്ന് ഇന്ത്യയിലെ മുസ്ലിം സ്ത്രീകളെ ചാക്കിൽ മൂടിപ്പൊതിയാൻ ശ്രമിക്കുന്ന കാലത്താണ് വിശുദ്ധ ഗേഹങ്ങളുടെ സംരക്ഷകരായ സൗദി അറേബ്യ സ്ത്രീ വിമോചനം സാധ്യമാക്കുന്നത്.
Post Your Comments