ആഫ്രിക്ക കപ്പ് ഓഫ് നേഷന്‍സ് ഫുട്‌ബോള്‍ കിരീടം സെനഗലിന്. പെനാല്‍റ്റി ഷൂട്ടൗട്ടില്‍ രണ്ടിനെതിരെ നാലുഗോളുകള്‍ക്ക് ഈജിപ്തിനെയാണ് സെനഗല്‍ പരാജയപ്പെടുത്തിയത്. നിശ്ചിതസമയത്തും അധികസമയത്തും ഇരുടീമിനും ഗോള്‍ നേടാനായില്ല. സെനഗലിന്റെ ആദ്യ ആഫ്രിക്കന്‍ കപ്പാണിത്.
ലിവര്‍പൂള്‍ മുന്നേറ്റനിരയിലെ സഹതാരങ്ങളായ മുഹമ്മദ് സലായും സാദിയോ മാനേയും നേര്‍ക്കുനേര്‍ വന്ന മത്സരത്തില്‍ അവസരങ്ങള്‍ ഒരുക്കുന്നതില്‍ ഇരുടീമും മികച്ചു നിന്നെങ്കിലും ഗോള്‍മാത്രം നേടാനായില്ല. ഏഴാം മിനിറ്റില്‍ പെനാല്‍റ്റി പാഴാക്കിയ മാനേയാണ് നാലാം കിക്കെടുത്ത് സെനഗലിന് ആഫ്രിക്കന്‍ കപ്പില്‍ ആദ്യ കിരീടം നേടിക്കൊടുത്തത്.
Read Also:- ശരീരഭാരം കുറയ്ക്കാന്‍ അത്താഴം ഒഴിവാക്കരുത്!
ഈജിപ്തിനായി രണ്ടാം പെനാല്‍റ്റി എടുത്ത അബ്ദല്‍ മോനത്തിന്റെ പെനാല്‍ട്ടി പോസ്റ്റില്‍ മടങ്ങിയതോടെ സെനഗലിന് മുന്‍തൂക്കം ലഭിച്ചു. എന്നാല്‍ സെനഗലിനായി അടുത്ത കിക്കെടുത്ത ബൗന സാറിന്റെ പെനാല്‍റ്റി ഗബാസ്‌കി രക്ഷപ്പെടുത്തി. ലഹീമിന്റെ പെനാല്‍റ്റി തടുത്ത ചെൽസി കീപ്പർ മെന്റി മാനെക്ക് കിരീടം നേടുന്നതിൽ മുഖ്യ പങ്ക് വഹിച്ചു. മൂന്നുഗോളും രണ്ട് അസിസ്റ്റും സ്വന്തം പേരിലാക്കിയ സാദിയോ മാനേയാണ് ടൂര്‍ണമെന്റിലെ താരം.
Post Your Comments