അബുദാബി: ഹൂതികളുടെ ആക്രമണങ്ങള്‍ക്ക് മുന്നില്‍ യുഎഇ കീഴടങ്ങില്ലെന്ന് നയതന്ത്ര ഉപദേഷ്ടാവ് ഡോ അന്‍വര്‍ ഗര്‍ഗാഷ് പറഞ്ഞു. സുസ്ഥിരവും സമാധാനപരവുമായ അന്തരീക്ഷം കെട്ടിപ്പടുക്കാനാണ് യുഎഇ ശ്രമിക്കുന്നതെന്നും അദ്ദേഹം സമൂഹ മാദ്ധ്യമങ്ങളിലൂടെ അറിയിച്ചു. അതേസമയം, അബുദാബിയില്‍ ഭീകരര്‍ നടത്തിയ മൂന്നാമത്തെ ആക്രമണം ശക്തമായി പ്രതിരോധിച്ചെന്ന് യുഎഇ പ്രതിരോധ മന്ത്രാലയം വ്യക്തമാക്കി.
Read Also : കൂനൂർ ഹെലികോപ്റ്റര്‍ അപകടം : മരണപെട്ട പ്രദീപിന്റെ ഭാര്യ ശ്രീലക്ഷ്മിക്ക് താലൂക്ക് ഓഫീസില്‍ ജോലി
ഇത് മൂന്നാം തവണയാണ് ഹൂതികള്‍ യുഎഇക്ക് നേരെ മിസൈല്‍ ആക്രമണം നടത്തുന്നത്. ഹൂതി വിമതര്‍ അയച്ച ബാലിസ്റ്റിക് മിസൈല്‍ തടുത്തു നശിപ്പിച്ചതായി യുഎഇ പ്രതിരോധമന്ത്രാലയം അറിയിച്ചു. സംഭവത്തില്‍ ആളപായമുണ്ടായിട്ടില്ലെന്നും മന്ത്രാലയം വ്യക്തമാക്കി. രാജ്യത്ത് സുരക്ഷയും പരമാധികാരവും ഉറപ്പുനല്‍കുകയാണ് പ്രധാന പരിഗണനയെന്നും അദ്ദേഹം സമൂഹമാധ്യമങ്ങളില്‍ കുറിച്ചു. ഏത് ഭീഷണിയേയും നേരിടാന്‍ നടപടികള്‍ സ്വീകരിച്ചതായി യുഎഇ വിദേശ മന്ത്രാലയവും പറഞ്ഞു.
Post Your Comments