സുക്മ: ഛത്തീസ്ഗഡിൽ കമ്യൂണിസ്റ്റ് ഭീകരനെ വധിച്ച് കോബ്ര ബറ്റാലിയൺ . ഡിസ്ട്രിക്റ്റ് റിസർവ് ഗാർഡുകളും സിആർപിഎഫ് കോബ്രയുടെ 201-ാം ബറ്റാലിയനും സംയുക്തമായി നടത്തിയ പരിശോധനയിലാണ് കമ്യൂണിസ്റ്റ് ഭീകരനെ വധിച്ചതെന്ന് പോലീസ് വ്യക്തമാക്കി.
സുക്മയിലെ തിമ്മപുരം വനമേഖലയിലാണ് ഏറ്റുമുട്ടലുണ്ടായത്. ചിന്തൽനാർ ജില്ലയിലാണ് ഈ വനമേഖല ഉൾപ്പെടുന്നത്. ഞായറാഴ്ച പുലർച്ചെയോടെയായിരുന്നു ഏറ്റുമുട്ടൽ. വധിക്കപ്പെട്ട ഭീകരന്റെ മൃതശരീരം പോലീസിന് ലഭിച്ചിട്ടുണ്ട്. സംഭവസ്ഥലത്ത് ഏറ്റുമുട്ടൽ തുടരുകയാണെന്നാണ് വിവരം. കൂടുതൽ ഭീകരർക്കായി തിരച്ചിൽ ഊർജ്ജിതമാക്കി.
Post Your Comments