ന്യൂഡൽഹി: ഇന്ത്യാ ഗേറ്റിൽ സുഭാഷ് ചന്ദ്രബോസിന്റെ പ്രതിമയുയരുമെന്ന് പ്രധാനമന്ത്രി നരേന്ദ്രമോദി. രാജ്യത്തിനുള്ള ആദരവിന്റെ പ്രതീകമായിട്ടാണ് നേതാജിയുടെ പ്രതിമ സ്ഥാപിക്കുന്നതെന്ന് പ്രധാനമന്ത്രി വ്യക്തമാക്കി. രാജ്യം അദ്ദേഹത്തിന്റെ 125 -മത്തെ ജയന്തി ആഘോഷിക്കാനുള്ള തയ്യാറെടുപ്പിലാണ്.
ഈ വേളയിലാണ് പ്രധാനമന്ത്രി നരേന്ദ്രമോദി പ്രഖ്യാപനം നടത്തിയത്. ഗ്രാനൈറ്റിൽ നിർമ്മിച്ച പ്രതിമയാണ് ഇന്ത്യാ ഗേറ്റിൽ സ്ഥാപിക്കുന്നതെന്ന് അദ്ദേഹം വ്യക്തമാക്കി. ഗ്രാനൈറ്റ് പ്രതിമയുടെ നിർമ്മാണം പൂർത്തിയാക്കുന്നതിന് കാലതാമസമെടുക്കും.
ഈ സാഹചര്യത്തിൽ,ഗ്രാനൈറ്റ് പ്രതിമയുടെ നിർമ്മാണം പൂർത്തിയാവുന്നു വരെ ഹോളോഗ്രാം പ്രതിമ സ്ഥാപിക്കുമെന്ന് മോദി അറിയിച്ചു. ജനുവരി 23 നേതാജിയുടെ ജന്മവാർഷികമാണ്. ഈ ദിനത്തിൽ പ്രതിമ അനാച്ഛാദനം ചെയ്യുമെന്ന് പ്രധാനമന്ത്രി വ്യക്തമാക്കി.
Post Your Comments