ദുബായ്: മുൻ കാമുകിയുടെ സ്വകാര്യ ചിത്രങ്ങൾ സാമൂഹ്യ മാദ്ധ്യമങ്ങളിൽ പ്രചരിപ്പിക്കുമെന്ന് ഭീഷണിപ്പെടുത്തിയ യുവാവിന് തടവു ശിക്ഷ. 31 കാരനായ അറബ് സ്വദേശിയ്ക്കാണ് കോടതി തടവു ശിക്ഷ വിധിച്ചത്. മൂന്ന് മാസത്തേക്കാണ് ശിക്ഷ.
28 കാരിയായ സഹപ്രവർത്തകയുമായി ഇയാൾ അടുപ്പത്തിലായിരുന്നു. എന്നാൽ ചില അഭിപ്രായ വ്യത്യാസങ്ങളെ തുടർന്ന് ഇരുവരും വേർപിരിഞ്ഞു. ബന്ധം പുന:സ്ഥാപിച്ചില്ലെങ്കിൽ യുവതിയുടെ സ്വകാര്യ ചിത്രങ്ങൾ സാമൂഹ്യ മാദ്ധ്യമങ്ങളിലൂടെ പ്രചരിപ്പിക്കുമെന്നാണ് ഇയാൾ ഭീഷണിപ്പെടുത്തിയത്.
തുടർന്ന് യുവതി ഇയാൾക്കെതിരെ പോലീസിൽ പരാതി നൽകി. സ്ത്രീയെ അപമാനിക്കൽ, ഭീഷണിപ്പെടുത്തൽ, മോശം പെരുമാറ്റം എന്നീ കുറ്റങ്ങളാണ് യുവാവിനെതിരെ ചുമത്തിയത്.
Post Your Comments