മണ്ണഞ്ചേരി: വീടുകൾക്ക് നേരെ ആക്രമണം നടത്തിയ കേസിലെ പ്രതി പൊലീസ് പിടിയിൽ. ആലപ്പുഴ അവലൂക്കുന്ന് ചിറ്റേഴത്ത് വടക്കേ കൊച്ചുതറ സഞ്ജു രാജ്(25)നെയാണ് മണ്ണഞ്ചേരി പൊലീസ് അറസ്റ്റ് ചെയ്തത്.
ഇയാൾ പ്രദേശത്തെ പെൺകുട്ടിയെ വഴിയരികിൽ തടഞ്ഞുനിർത്തി ഉപദ്രവിച്ച കേസിലെയും പ്രതിയാണെന്ന് പൊലീസ് പറഞ്ഞു. പ്രദേശത്തെ സംഘർഷാവസ്ഥ മുതലാക്കുവാനാണ് പ്രതി വീടുകൾക്ക് നേരെ ആക്രമണം നടത്തിയതെന്ന് പൊലീസ് വ്യക്തമാക്കി.
സി.ഐ പി.കെ.മോഹിത്, എസ്.ഐ കെ.ആർ.ബിജു, സി.പി.ഒമാരായ ഷാനവാസ്, കൃഷ്ണ രാജ്, ഷൈജു, ഉല്ലാസ് എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. ഇരുകേസുകളിലും അറസ്റ്റ് രേഖപ്പെടുത്തിയ പ്രതികളെ കോടതിയിൽ ഹാജരാക്കി.
Post Your Comments