തെന്മല: കെഎസ്ആർസി ബസിൽ വെള്ളിമൂങ്ങ ഇടിച്ചുകയറി മുൻവശത്തെ ചില്ല് തകർന്നു. കൊല്ലം-തിരുമംഗലം ദേശീയ പാതയില്‍ ഇടപ്പാളയം മുസ്ലിം പള്ളിക്ക് സമീപം വ്യാഴാഴ്ച രാത്രി എട്ടരയോടെയാണ് സംഭവം. കൊല്ലത്ത് നിന്ന് തെങ്കാശിയിലേക്ക് പോയ ബസിലാണ് മൂങ്ങയിടിച്ചത്.
വാഹനത്തിന്‍റെ പ്രകാശമടിച്ചതോടെ മൂങ്ങയുടെ കാഴ്ചമറഞ്ഞതാകാമെന്നാണ് നിഗമനം. ദിശതെറ്റി പറക്കുന്നതിനിടയില്‍ വെള്ളിമൂങ്ങ ചില്ലിൽ ശക്തമായി വന്ന് ഇടിക്കുകയായിരുന്നു.
ഇടിയുടെ ആഘാതത്തില്‍ മുൻവശത്തെ ചില്ലിന് കേടുപാടുണ്ടായി. ഇടിയെത്തുടർന്നു മൂങ്ങ റോഡരികില്‍ തന്നെ ചത്തുവീഴുകയും ചെയ്തു. തുടർന്ന് സംഭവമറിഞ്ഞ് വനം വകുപ്പ് ജീവനക്കാര്‍ സ്ഥലത്തെത്തി പരിശോധന നടത്തി.
Post Your Comments