പെരുമ്പാവൂര്‍: കഞ്ചാവും ഹെറോയിനുമായി അന്യ സംസ്ഥാന തൊഴിലാളി എക്സൈസ് പിടിയിൽ. അസം സ്വദേശി റുസ്മത് അലിയാണ് (34) പിടിയിലായത്. ക്രിസ്മസ് ന്യൂ ഇയര്‍ പ്രമാണിച്ച് എക്സൈസ് റേഞ്ച് പാര്‍ട്ടി പെരുമ്പാവൂരില്‍ നടത്തിയ പരിശോധനയില്‍ ആണ് ഇയാൾ പിടിയിലായത്.
13.447 ഗ്രാം ഹെറോയിനും 12 ഗ്രാം കഞ്ചാവും ഇയാളുടെ കൈയ്യിൽ നിന്ന് പിടിച്ചെടുത്തിട്ടുണ്ട്. നാട്ടില്‍ നിന്നും കൊണ്ടുവന്ന ഹെറോയിനും കഞ്ചാവും ഇതര സംസ്ഥാനക്കാര്‍ക്ക് വില്‍പന നടത്തുന്നതാണ് ഇയാളുടെ പ്രധാന വരുമാന മാര്‍ഗം. ഇവ മറ്റൊരാള്‍ക്ക് കൊടുക്കാന്‍ ശ്രമിക്കുന്നതിനിടെയാണ് എക്സൈസ് ഇയാളെ പിടികൂടിയത്.
Read Also : പ്രായപൂർത്തിയാകാത്ത ദളിത് പെൺകുട്ടിയെ പീഡിപ്പിച്ച് ഗർഭിണിയാക്കി : യുവാവ് പിടിയിൽ
എക്സൈസ് ഇന്‍സ്‌പെക്ടര്‍ എം. മഹേഷ് കുമാറിന്റെ നേതൃത്വത്തില്‍ നടന്ന പരിശോധനയില്‍ പ്രിവൻറീവ് ഓഫിസര്‍ കെ.എ. പോള്‍, സിവില്‍ എക്സൈസ് ഓഫിസര്‍മാരായ കെ.കെ. രാജേഷ്, ടി.എല്‍. ഗോപാലകൃഷ്ണന്‍, സി.വി. കൃഷ്ണദാസ്, പി.ജെ. പദ്മഗിരീശന്‍ എന്നിവര്‍ പങ്കെടുത്തു. പ്രതിയെ പെരുമ്പാവൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി റിമാൻഡ് ചെയ്തു.
Post Your Comments